मराठी अस्मितेची भाषा करणारे मनसे अध्यक्ष राज ठाकरे यांनी आता हिंदुत्वाचा अंगिकार केला आहे. रामलल्लाच्या दर्शनासाठी अयोध्येला जाण्याची घोषणा राज यांनी केली आहे. मात्र त्यांच्या अयोध्या दौऱ्यावरुन राजकारण सुरु झाले आहे. यूपीतील भाजप खासदार ब्रजभूषण सिंह यांनी राज ठाकरेंच्या अयोध्या दौऱ्याला विरोध केला आहे. राज जोपर्यंत उत्तर भारतीयांची माफी मागत नाहीत तोपर्यंत त्यांना अयोध्येत येऊ दिले जाणार नाही, असे त्यांनी म्हटले आहे. अशा स्थितीत राज ठाकरे माफी मागणार का, असा प्रश्न उपस्थित होत आहे. (Raj Thackeray's visit to Ayodhya has been opposed by BJP's Uttar Pradesh MP Brajbhushan Singh)

एकेकाळी केवळ मराठी हिताची चर्चा करणारे राज ठाकरे आता हिंदू जननायक बनू पाहत आहेत. त्यामुळे आधी मशिदींवरील लाऊडस्पीकर हटवण्याचा मुद्दा उपस्थित केला आणि आता रामल्लाच्या दर्शनासाठी 5 जूनला अयोध्येला जाणार, मात्र भाजपचे खासदार ब्रिजभूषण सिंह राज ठाकरे जोपर्यंत उत्तर भारतीयांची माफी मागत नाहीत, तोपर्यंत त्यांना अयोध्येत येऊ देणार नाही, असे म्हणत राज यांच्या दौऱ्याला विरोध केला आहे.

दरम्यान, राज ठाकरे यांनी या मुद्द्यावर आतापर्यंत मौन बाळगले असून त्यांचे नेतेही काही बोलायला तयार नसून मनसे प्रमुखांच्या अयोध्या (Ayodhya) दौऱ्याची तयारी जोरात सुरु आहे. खरं तर राज यांची प्रतिमा उत्तर भारतीय विरोधी असून त्यांच्या लोकांनी रेल्वे परीक्षा देण्यासाठी आलेल्या उत्तर भारतीय तरुणांना बेदम मारहाण केली.

फेरीवाले आणि टॅक्सीचालकही एनएनए कार्यकर्त्यांच्या रोषाचे बळी ठरले आहेत. त्यामुळेच शिवसेनेशी फारकत घेतल्यानंतरही मनसेशी युती करण्याचे धाडस भाजपला (BJP) करता आलेले नाही. या कारवाईमुळे उत्तर भारतीय मतदार भाजपवर नाराज होण्याची भीती आहे. एकट्या मुंबईत (Mumbai) सुमारे 30 लाख उत्तर भारतीय मतदार आहेत.