महाराष्ट्रात (Maharashtra) मागील काही दिवसापासून सुरु झालेल्या मुसळधार पावसामुळे जीवीत हानी बरोबर मोठ्याप्रमाणावर वित्तीय हानी झाली आहे. दुसरीकडे रायगडमधील (Raigad) तळीये गावात दरड कोसळून सुमारे 38 जणांचा दुर्देवी मृत्यू झाला आहे. मागील दोन दिवसापासून मुसळधार पावसाने महाराष्ट्रात हजेरी लावली आहे. यामुळे अनेक ठिकाणी दरड कोसळल्याच्या घटना समोर येत आहेत. महाडमधील नाते रोडवर तळई गावामध्ये दरड कोसळली. याबाबत मिळत असलेल्या प्राथमिक माहितीनुसार, घरांवर ही दरड कोसळली असून यामध्ये तब्बल 72 जण बेपत्ता झाले असल्याची माहिती मिळत आहे.

रायगड जिल्ह्यामध्ये अतिवृष्टी होत असल्याने सर्वत्र हाहाकार माजला आहे. महाड तालुक्यामधील तळई येथे रात्री दरड कोसळल्याने 32 घरांची नासधूस झाली आहे. त्यानंतर मदत कार्य सुरु करण्यात आले आहे. शिवाय मृत नागरिकांची संख्या वाढण्याची शक्यता व्यक्त करण्यात येत आहे. मात्र मागील काही दिवसांपासून सुरु मुसळधार पाऊसामुळे मदत कार्यामध्ये अडचणी येत आहेत.

मागील काही दिवसांपासून सुरु असलेल्या मुसळधार पावसामुळे कोकणसह मुंबईकरांना अनेक प्रकारच्या त्रासांना सामोरे जावे लागत आहे. नुकतीच मुंबईतील गोवंडी परिसरामध्ये एक इमारत कोसळल्याने मोठी दुर्घटनुा झाली आहे. यामध्ये तीघांचा जागीच मृत्यू झाला असून यामध्ये सात जण जखमी झाले आहेत. अशी प्राथमिक माहिती मुबंई पोलिसांनी दिली. रायगडमध्ये झालेल्या या दुर्घटनेमध्ये मृत पावलेल्या नागरिकांच्या नातेवाईकांसाठी दोन लाखाची मदत तर जखमी झालेल्या नागरिकांच्या नातेवाईकांना पन्नास हजाराची मदत पंतप्रधान नरेंद्र मोदी (Prime Minister Narendra Modi) यांनी जाहीर केली आहे.