Monsoon Update: महाराष्ट्रातील 'या' तालुक्यांत अजुनही पाऊस नाही

कोकणासह (Konkan) मराठवाड्यात (Maharashtra) यंदा पावसाने चांगली हजेरी लावली असली तरी, सह्याद्रीच्या (Sahyadri) पुर्वेकडील उतारावरील धरणांच्या क्षेत्रात मात्र पावसाने दडी मारली आहे. यावर्षी पावसाळ्यात महाराष्ट्रातील 13 तालुक्यांत पाऊस कमी झाला आहे. त्यामुळे ही सगळी परिस्थिती पाहता अनेक ठिकाणी पावसाळा सुरुवातच झाली नसल्याचे पहायला मिळते आहे. मध्य महाराष्ट्राच्या बहुतांश तालुक्यांत यावर्षी पावसाचे प्रमाण कमी झालेले दिसते आहे.

राज्यात यंदा मान्सुनने लवकर हजेरी लावत काही दिवसांतच राज्य व्यापुन घेतले. तसेच यंदाच्या हंगामात पाऊस चांगला असल्याचा अंदाज हवामान विभागाने वर्तवला होत, त्यांमुळे शेतकऱ्यांच्या अपेक्षा वाढल्या असल्याचे पहायला मिळाले. मात्र जुनच्या शेवटच्या दोन आठवड्यांत योग्य पाऊस न झाल्याने शेतीचे नुकसान होणार असल्याचे दिसते आहे.

राज्यात 1 जुनपासुन सुरु झालेल्या पावसाचा विचार करता, नंदुरबारमधील 6 तालुके, नाशिक मधील 5 तालुके, तसेच धुळ्यातील आणि कोल्हापुरातील प्रत्येकी एक एक तालुक्यात सररासरी 50 टक्क्यांपेक्षा कमी पाऊस झाला असल्याचे दिसते आहे.