कोकण: रायगड रत्नागिरीचे (Raigad-Ratnagiri) खासदार सुनिल तटकरे (Sunil Tatkare) यांनी माणगांव तहसील कार्यालय येथे भेट दिली. माणगांव तालुक्यात होणाऱ्या महामार्ग व कोकण रेल्वेच्या कामांची तसेच विकासकामांची आढावा बैठक या ठीकाणी घेण्यात आली. या वेळी माणगांव शहरातून मुंबई ( Mumbai) गोवा (Goa) महामार्ग, दिघी पुणे महामार्ग व कोकण रेल्वेचे (Konkan Railway) काम सुरू आहे. ही कामे चालू असताना अनेक ठिकाणी भरावकामे करण्यात आली आहेत. त्यामुळे अनेक ठिकाणी पाणी साचते अशा विविध विषयांवर या बैठकिमध्ये चर्चा करण्यात आली. यावेळी खा. तटकरे यांनी कोकण रेल्वे मुख्य अभियंत्याला बोलावून कचेरी रोडवरील रेल्वे ट्रॅकवर 1 किमी फिरून पाहणी केली. (Quickly repair dangerous roads on Mumbai Goa highway)

पाणी जाण्यासाठी नाले बांधा आणि त्यासाठीची पर्यायी व्यवस्थ करा असे सक्तीचे आदेश त्यांनी यावेळी अधिकाऱ्यांना दिले. या आधी दोन वेळा पाहणी करून सुद्धा कोकण रेल्वेच्या अधिकाऱ्यांनी त्यांची दखल घेतली नाही. ह्या वेळेस काम नियोजित पद्धतीने लवकरात लवकर पूर्ण न केल्यास रेल्वे ट्रॅकवर आंदोलन करण्यात येईल असा इशारा खा. तटकरे यांनी कोकण रेल्वे अधिकाऱ्यांना दिला.

दरम्यान मुंबई गोवा महामार्गावर जिथे जिथे अपघात होण्याची शक्यता आहे. तिथे लवकरात लवकर दुरुस्ती करण्यात यावी. तसेच दिघी पुणे महामार्गावर निजामपूर रोड येथे सुद्धा पाणी साचते. तेव्हा त्याचे ही नियोजन लवकरात लवकर करण्यात यावे. अश्या सूचना MSRDC च्या अधिकाऱ्यांना देण्यात आल्या आहेत. आता या आदेसांची अंमलबजावणी केव्हा आणि कशा पध्दीतीने होणार याकडे सगळ्यांचे लक्ष असणार आहे.