सावंतवाडी, सिंधुदुर्गच्या जंगलात साखळदंडांनी बांधलेली वयोवृद्ध अमेरिकन महिला आढळून आल्याने खळबळ निर्माण झालीय. गुराखी गुरे चारण्यासाठी जंगलात गेला असता शनिवारी (२७ जुलै) रोणपाल- सोनुर्ली येथे हा प्रकार उघडकीस आला.

उपाशीपोटी गेल्या तीन दिवसांपासून मुसळधार पावसात झाडाला जखडून राहिल्याने महिलेची प्रकृती गंभीर आहे. सध्या या महिलेवर कुटीर रुग्णालयात उपचार सुरु आहेत.

मिळालेल्या माहितीनुसार, रोणपाल- सोनुर्ली येथील घनदाड जंगलातून एका महिलेचा मोठ्यांने किंचण्याचा आवाज येत होता. शनिवारी सकाळी एक गुराखी गुरे चाण्यासाठी गेला असता त्याच्या कानावर हा आवाज पडला. साखळदंडांनी झाडाला बांधलेल्या महिलेला पाहून भयभीत झालेला तो व्यक्तीने गावात जात गावकऱ्यांना माहिती दिली.

गावकऱ्यांनी घटनेची माहिती सावंतवाडी पोलिसांना दिली. पोलिसांनी घटनास्थळी दाखल होत. महिलेच्या पायाला बांधलेला साखळदंड तोडले. तीन दिवस मुसळधार पाऊस आणि पोटात अन्नाचा कण नसणाऱ्या वृद्ध महिलेच्या तोंडातून आवाज देखील येत नव्हता. प्रकृत खालावल्याने महिलेला उपचारासाठी कुटीर रुग्णालयात दाखल करण्यात आले असून, सध्या तिची प्रकृती स्थिर आहे.

महिलेकडे मिळालेल्या कागदपत्रानुसार, या महिलेचे नाव ललिता कायी कुमार एस असून ती तामिळनाडूमधील रहिवासी आहे. महिला मूळची अमेरिकन नागरिक असल्याचे स्पष्ट झाले आहे.

महिलेला बोलता येत नसल्याने तिने लिहून दिलेल्या माहितीच्या आधारे हा क्रूर प्रकार तिच्या पतीनेच केल्यास प्राथमिक तपास समोर आले आहे. पोलिस अधिक तपास करत असून, महिला बोलू लागल्यास या प्रकरणाची अधिक माहिती समोर येणार आहे.

दरम्यान, महिला आढळून आली त्या घटनास्थळावरुन मडुरा रेल्वे स्थानक जवळ असल्याने कोणी तरी महिलेला येथे सोडून रेल्वेने पसार झाल्याचा संशय व्यक्त केला जात आहे.