महाराष्ट्रातील विधानसभेचे हिवाळी अधिवेशन राजकीय नेत्यांच्या भाषणांनी गाजत आहे. विरोधी पक्षांतील नेते आघाडी सरकारवर निशाणा साधत आहेत. तर आता भाजपचे केंद्रीय नेते नारायण राणे (Narayan Rane) यांनीही माध्यमाशी बोलताना सरकारवर हल्ला चढवला.

ते म्हणाले, ''जिल्हा बॅंकेतील पापं लपविण्यासाठी राज्यात सत्तेचा गैरवापर केला जात आहे. त्याचबरोबर एवढा मोठा फौजफाठा कणकवलीमध्ये कशासाठी? या राज्याला मुख्यमंत्री आहेत की नाहीत हे मला माहिती नाही. विधीमंडळात सगळ्या आमदारांपेक्षा नितेश राणे (nitesh rane) सर्वात जास्त काम करत आहे.''

दरम्यान, 'ते पुढे म्हणाले, मी अजित पवारांना ओळखत नाही. संतोष परब हल्ल्याप्रकरणात नितेश राणेंना गोवले जात आहे. नितेश राणेंच्या अटकपूर्व जामीनावर आज सुनावणी होणार आहे.'

नितेश राणे कुठे आहेत, यावर राणे म्हणाले, ते कुठे आहेत हे मला माहिती असले तरी मी तुम्हाला का सांगू?