Maharashtra News: महाराष्ट्रातील शिंदे-फडणवीस सरकारने (Shinde-Fadanvis Govt) आरोग्य खात्यात मोठ्या भरतीची घोषणा केली आहे. या भरती अंतर्गत 10,027 हजार जागांची भरती केली जाणार आहे. अशी माहिती वैद्यकीय शिक्षणमंत्री गिरीश महाजन (Girish Mahajan) यांनी दिली आहे. ठाकरे सरकाच्या काळात आरोग्य भरती ऐनवेळी रद्द करण्यात आली होती. त्यानंतर शिंदे-फडणवीस सरकारने नव्या भरतीची घोषणा केली आहे.

राज्य सरकारकडून नुकतीच 75 हजार सरकारी नोकर भरतीची घोषणा केली आहे. त्यात आता आरोग्य विभागाकडून भरतीची घोषणा करण्यात आलेल्या युवा वर्गात उत्साहाचे वातावरण आहे. समोर आलेल्या माहितीनुसार, 1 ते 7 7 जानेवारी दरम्यान आरोग्य विभागाची भरतीची जाहीरात निघणार आहे. 25 ते 30 जानेवारी अर्ज करता येतील. 31 जानेवारी ते 2 फेब्रुवारी दरम्यान अर्जाची छाननी तर 25 आणि 26 मार्च रोजी परीक्षा होईल. 27 एप्रिलपर्यंत उमेदवार निवड होणार आहे.

आरोग्य खात्यातील पदाची भरती परिक्षा राज्यात सर्वत्र एकाच दिवशी घेतली जाईल. अशीही माहिती समोर आली आहे. आरोग्य सेवक, आरोग्य सेविका, पर्यवेक्षक, औषध निर्माता, प्रयोगशाळा तंत्रज्ञ अशा विविध पदांसाठी ही भरती प्रक्रिया राबवली जाणार आहे.