Grand welcome of Goa-Mumbai Vande Bharat at CSMT: गोव्यातील मडगाव ते मुंबई या मार्गावरील वंदे भारत एक्सप्रेसला आज, मंगळवारी 27 जूनपासून सुरूवात झाली आहे. दरम्यान, ही एक्सप्रेस मुंबईत पोहचली असून छत्रपती शिवाजी महाराज टर्मिनसवर या रेल्वेचे वाजतगाजत स्वागत करण्यात आले आहे.

ढोल-ताशांच्या गजरात या रेल्वेचे या स्थानकावर स्वागत झाले. यावेळी महाराष्ट्राचे मुख्यमंत्री एकनाथ शिंदे यांनी स्वतः या रेल्वेस्थानकावर येऊन या गाडीचे स्वागत केले. त्यांनी काही प्रवाशांची विचारपुसही केली. तसेच प्रवासाच्या अनुभवाबाबत विचारले. यावेळी प्रवाशांचे गुलाबाचे फूल आणि मिठाई देऊन देऊन स्वागत करण्यात आले.

वंदे भारत एक्सप्रेस ही रेल्वेसेवा विमानातील सेवेप्रमाणे आहे. या गाडीसाठी रेल्वेमंत्री अश्विनी वैष्णव यांचे आभार. त्यांनी महाराष्ट्राला पाच वंदे भारत एक्सप्रेस दिल्या आहेत. पंतप्रधान नरेंद्र मोदींचेही आभार. या रेल्वेचा फायदा नागरिकांना होणार आहे.

कोकणवासीयांना होणार आहे. चाकरमान्यांना होणार आहे. या रेल्वेमुळे पर्यटनाला चालना मिळणार आहे, अशी भावना या वेळी मुख्यमंत्री एकनाथ शिंदे यांनी व्यक्त केले.

यावेळी त्यांच्यासमवेत मंत्री दीपक शिंदे, मंत्री रविंद्र चव्हाण, खासदार राहुल शेवाळे आदी उपस्थित होते.