शिवसेनेचे बंडखोर नेते एकनाथ शिंदे आणि त्यांचा गट मागील 6 दिवसांपासून आसाम मधील पंच तारांकित हॉटेलमध्ये तळ ठोकून बसला आहे. मिळालेल्या माहितीनुसार, या आमदारांचा एका दिवसाचा खर्च 8 लाख रुपये आहे.
हा खर्च कोण करत आहे, असा प्रश्न सामान्य जनतेकडून विचारला जात आहे. भाजपा हा खर्च करत असल्याचा आरोप शिवसेनेने केला आहे. मात्र, आसामचे मुख्यमंत्री हिमंता बिस्वा सरमा यांनी याबाबत खुलासा केला आहे.
भाजपा किंवा आसाम सरकार या बंडखोर आमदारांच्या हॉटेलचे बील देत नसल्याचे सारमा यांनी स्पष्ट केले आहे. भाजपा किंवा आसाम सरकार हॉटेलचे बील का देईल? असा प्रश्न देखील त्यांनी उपस्थित केला.
महाराष्ट्रातील सत्ता संघर्षाने आता वेगळे वळण घेतले आहे. शिंदे गट आणि शिवसेना न्यायालयाचा दरवाजा ठोठावणार असल्याचे चित्र दिसत आहे. एकीकडे एकनाथ शिंदे आपल्याकडे बहुमत असल्याचा दावा करत आहेत, तर दुसरीकडे संजय राऊत 21 बंडखोर आमदारांच्या संपर्कात असल्याचे सांगत आहेत. हा सत्ता संघर्ष आता कोणते वळण घेतो याकडे सर्वांचे लक्ष्य लागले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.