धावत्या ट्रेनमध्ये अल्पवयीन मुलीचा विनयभंग केल्याप्रकरणी बिहारमधील एका तरुणाला पोलिसांनी अटक केली आहे. आरोपी हा मदरशात शिक्षक आहे. महाराष्ट्राच्या ठाणे जिल्ह्यात ही घटना घडली आहे.
रेल्वे पोलिस अधिकाऱ्याने दिलेल्या माहितीनुसार, एका मदरसा शिक्षकाने एक्सप्रेस ट्रेनमध्ये एका अल्पवयीन मुलीचा विनयभंग केल्याचा आरोप आहे. याबाबत माहिती मिळताच आरोपी मदरसा शिक्षकाला गुरुवारी पोलिसांनी अटक केली.
कल्याण रेल्वे पोलिसांच्या वतीने देण्यात आलेल्या माहितीनुसार, पीडित तरुणी पुण्याहून मुंबईकडे सिंहगड एक्स्प्रेसने प्रवास करत होती. दरम्यान, बिहारच्या सीतामढी येथील रहिवासी असलेल्या 29 वर्षीय आरोपीने कथितरित्या तिचे व्हिडिओ आणि फोटो काढले आणि तिला स्पर्श करण्यास सुरुवात केली.
पीडितेने आरडाओरडा केला तेव्हा तेथे उपस्थित असलेल्या सहप्रवाशांनी आरोपीला पकडून बेदम मारहाण केली. यानंतर त्याला पोलिसांच्या ताब्यात देण्यात आले. त्याच्यावर भारतीय दंड संहिता (IPC) आणि लैंगिक गुन्ह्यांपासून बालकांचे संरक्षण कायद्यांतर्गत गुन्हा दाखल करण्यात आला आहे.
घटना घडली त्यावेळी रेल्वे त्या पोलीस ठाण्याच्या हद्दीतून जात असल्याने हे प्रकरण कर्जत रेल्वे पोलिसांकडे वर्ग करण्यात आल्याचे पोलिसांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.