महाराष्ट्रात राजकीय आरोप-प्रत्यारोप सुरू आहेत. भाजपचे माजी खासदार किरीट सोमय्या हे महाविकास आघाडीच्या मंत्र्याचे घोटाळे बाहेर काढूण नेत्यांवर सातत्याने निशाणा साधत आहेत. आता राष्ट्रवादीचे (Nationalist Congress Party) प्रवक्ते मंत्री नवाब मलिक यांनी सोमय्या यांना भाजपची 'आयटम गर्ल' (Nawab Malik Called Kirit Somaiya An Item Girl Of BJP) ठरवत त्यांच्यावर निशाणा साधला.

नांदेड दौऱ्यात मलिक यांनी ही टीका केली. प्रसारमाध्यमांशी बोलताना मलिक म्हणाले की, "जसा चित्रपट चांगला चालवण्यासाठी आयटम गर्लची गरज असते. तसे किरीट सोमय्या हे राजकरणातील 'आयटम गर्ल' सारखे आहेत.' बातमी चालण्यासाठी किरीट सोमय्या (Kirit Somaiya) हे भाजप चे आयटम गर्ल आहेत. अशी टिका राष्ट्रवादीचे प्रवक्ते नवाब मालीक (Nawab Malik) यांनी केली आहे.

सोमय्या हे महाविकास आघाडीच्या नेत्यांवर करतात सातत्याने आरोप

भाजप नेते किरीट सोमय्या हे महाविकास आघाडी (Maha Vikas Aghadi) मधील मंत्र्यावर सातत्याने आरोप करत असतात. त्यांच्या आरोपानंतर ईडीने संबधीत मंत्र्यावर कारवाई सुध्दा केली आहे. महाविकास आघाडी मधिल उपमुख्यमंत्री अजित पवार,मंत्री अनिल परब, हसन मुश्रिफ यांच्यावर सुध्दा घोटाळ्याचे आरोप किरीट सोमय्या यांनी केले होते. तर किरीट सोमय्या यांनी माजी मंत्री अनिल देशमुख यांच्यावर केलेल्या आरोपामुळे त्यांना राजीनामा द्यावा लागला.