आज सकाळपासूनच आयकर विभाग (Income Tax Department) महाराष्ट्राचे उपमुख्यमंत्री अजित पवार (Ajit Pawar) यांच्याशी संबंधित कंपन्यांवर छापे (Raid) टाकत आहे. याला दुजोरा देत अजित पवार म्हणाले की, होय, आयकर विभागाने माझ्याशी संबंधित कंपन्यांवर छापे टाकले आहेत. कोणावरही छापे टाकण्याचा अधिकार प्राप्तिकर विभागाला आहे. त्यांना जर काही संशयास्पद आढळलं तर ते छापे टाकतात.(Income Tax department conduct raids on companies retarded to Maharashtra deputy CM Ajit Pawar)

अजित पवार पुढे म्हणाले की, कोणत्याही संशयास्पद व्यक्तीवर छापे टाकण्याचा अधिकार आयकर विभागाला आहे. माझ्याशी संबंधित कंपन्यांवर छापे टाकण्यात आले आहेत. मी नियमित कर भरतो. मी स्वतः अर्थमंत्री आहे आणि कोणत्या प्रकारचे आर्थिक व्यवस्थापन करावे लागते हे मलाही समजतं . कोणताही कर लपवायचा नाही आणि तो कसा भरला जातो. मला याबद्दल पूर्ण माहिती आहे.

या सगळ्या बाबींवर स्पष्टीकरण देताना अजित पवार म्हणाले की, माझ्याशी संबंधित कंपन्यांनीही वेळोवेळी कर भरला आहे. असे असूनही, राजकीय आकसापोटी हा छापा टाकण्यात आला आहे. त्याचबरोबर मला या प्रकरणी काहीही बोलायचे नाही, मी एक नागरिक देखील आहे, पण मला दुःख आहे की माझ्या बहिणी ज्यांचे 35-40 आहे त्यांचे लग्न झाले आहे, जे त्यांच्या सांसारिक जीवनात व्यस्त आहेत. त्यांच्यावरही रेड टाकण्यात आली आहे. ही गोष्ट दुर्दैवी असल्याचे देखील अजित पवार यांनी सांगितले आहे.

तसेच या छाप्यावर अधिक बोलताना या सगळ्या सरकारी संस्थांचा कोणत्या पातळीवर गैरवापर होत आहे हे महाराष्ट्रातील जनतेने पाहिले पाहिजे.असे मत व्यक्त केले आहे. अजित पवार म्हणाले की, माझ्या कंपन्यांवर छापे पडले याची मला खंत नाही. पण माझ्या नातेवाईकांवर छापा का टाकण्यात आला? त्यांचा या सगळ्या गोष्टींशी काहीच संबंध नाही. मी आजपर्यंत एवढ्या खालच्या पातळीचे राजकारण पाहिले नाही.असे सांगतच ते म्हणाले की सरकारे येतात आणि जातात, पण येथे जनता सर्वकाही आहे आणि ती जनता नेहमीच योग्य निर्णय घेते .

दरम्यान आज आयकर विभागाने आज ज्या कंपन्यांवर छापे टाकले आहेत त्या सर्व कंपन्या साखर कारखान्यांशी संबंधित आहेत. आणि हे सारे अजित पवार यांचे मित्र आणि नातेवाईक आहेत.