महाराष्ट्रातील राजकारण आर्यन खान प्रकरणामुळे चांगलंच ढवळून निघत असताना आता राजकीय पुढारी एकमेंकावर आरोप-प्रत्यारोपांच्या फैरी झाडत आहेत.

परभणी आणि नांदेडच्या दौऱ्यावर असताना मागील दोन दिवसांपासून कार्डेलिया प्रकरणावरुन जे आरोप करण्यात आले आहेत ते योग्य नाहीत. राज्याचे मुख्यमंत्री आणि गृहमंत्र्यांशी आता भेटलो आहे. त्यांनी यावेळी मला मुंबई पोलिस या प्रकरणाची पूर्ण तपास करतील असं आश्वासन दिले आहे. तपासामध्ये जो व्यक्ती जबाबदार असेल त्याच्यावर पोलिस कारवाई करतील असही त्यांनी यावेळी मला सांगितले आहे. कार्डेलिया प्रकरणाचा तपास कसा पुढे जाईल याचा निर्णय मुख्यमंत्री आणि गृहमंत्री निर्णय घेतील. बॉलिवूड ही हॉलीवूडनंतरची सर्वात मोठी इंडस्ट्री आहे. मात्र या प्रकरणात बॉलिवूड बदनाम झाल्यास देशाची बदनामी होईल. रिया चक्रवर्ती प्रकरणात अनेक बॉलिवूड सेलिब्रेटींची परेड लावली होती. एनसीबीच्या कारवाईबाबत मुख्यमंत्री पंतप्रधानांना पत्र लिहणार आहेत.