महाराष्ट्रात ऑक्टोबरपासून सुरु असलेल्या एसटी कर्मचाऱ्यांच्या संपाचा अखेर तिढा सुटला आहे. एसटी कर्मचाऱ्यांना येत्या 22 एप्रिल पर्यंत कामावर रुजू होण्याचे आदेश मुंबई उच्च न्यायालयाने (Mumbai High Court) दिले होते. परंतु काही एसटी कर्मचाऱ्यांनी कामावर हजर राहण्यास नकार दिला.

दरम्यान, मागील काही दिवसांपूर्वी शरद पवार यांच्या सिल्व्हर ओक या निवासस्थानी एसटी कर्मचाऱ्यांनी आंदोलन केले होते. त्यामध्ये त्यांनी पवारांच्या घरावर दगडफेक केली. यामध्ये एसटी कर्मचाऱ्यांना भडकवल्याप्रकरणी गुणरत्न सदावर्ते (Gunaratna Sadavarte) यांना मुंबई पोलिसांनी ताब्यात घेतले होते. त्यानंतर त्यांना न्यायालयात हजर करण्यात आले. सदावर्ते यांची चौकशी करण्यासाठी न्यायालयाने त्यांना दोन दिवसांच्या पोलिस कोठडी सुनावली. त्यानंतर त्यांना दोन दिवसांपूर्वी न्यायालयात हजर करण्यात आले. त्यामध्येही सदावर्ते यांची पोलिस कोठडी न्यायालयाने कायम ठेवली. त्यातच आता सदावर्ते यांना न्यायालयाने दिलासा देत त्यांची रवानगी पोलिस कोठडीऐवजी न्यायालयीन कोठडीत केली आहे. न्यायालयाने त्यांना 14 दिवसांची न्यायालयीन कोठडी सुनावली आहे. याच पार्श्वभूमीवर राजकीय घमासनानंतर सदावर्ते यांच्यावरील सुनावणी पार पडली. त्यानंतर सदावर्ते यांना 14 दिवसांची न्यायालयीन कोठडी न्यायालयाने सुनावली.

सिल्वर ओकवरील हल्लेखोर कर्मचाऱ्यांना अनिल परबांकडून घरचा रस्ता

शरद पवार (Sharad Pawar) यांच्या घरावर हल्ला केल्याप्रकरणी गावदेवी पोलिसांकडून अ‍ॅड. गुणरत्न सदावर्ते यांना अटक करण्यात आली असून तब्बल 109 कर्मचाऱ्यांना न्यायालयीन कोठडी सुनावण्यात आली आहे. परिवहन मंत्री अनिल परब (Anil Parab) यांनी एसटी कर्मचाऱ्यांच्या बाबत एक महत्त्वाचा निर्णय घेतला असून ते म्हणाले "येत्या 22 तारखेपर्यंत कामावर रुजू होण्याचे आदेश कोर्टाने दिले आहेत तसेच 22 एप्रिल पर्यंत जे कामगार कामावर रुजू होणार नाही त्यांच्यावर कारवाई करण्यात येईल. तसेच दिलेल्या मुदतीपर्यंत कामावर हजर राहिल्यास त्या कर्मचार्‍यांना कोणत्याही कारवाईला सामोरे जावे लागणार नाही.