गुणरत्न सदावर्ते यांच्या पोलिस कोठडीत वाढ

महाराष्ट्रात ऑक्टोबरपासून सुरु असलेल्या एसटी कर्मचाऱ्यांच्या संपाचा अखेर तिढा सुटला आहे. एसटी कर्मचाऱ्यांना येत्या 22 एप्रिल पर्यंत कामावर रुजू होण्याचे आदेश मुंबई उच्च न्यायालयाने (Mumbai High Court) दिले होते. सदावर्ते (Gunaratna Sadavarte) यांना 14 दिवसांची पोलिस कोठडी सुनावण्यात यावी अशी मागणी न्यालयात सरकारी पक्षाकडून करण्यात आली होती. याच पार्श्वभूमीवर राजकीय घमासनानंतर सदावर्ते यांच्यावरील सुनावणी पार पडली होती. त्यानंतर सदावर्ते यांना दोन दिवसांची पोलिस कोठडी न्यायालयाने सुनावली होती. यातच आज पुन्हा एकदा सदावर्ते यांना न्यायालयात पोलिसांकडून हजर करण्यात आले आहे.

दरम्यान, सदावर्ते यांच्या कोठडीमध्ये वाढ करण्यात यावी अशी मागणी सरकारीपक्षांकडून न्यायालयात करण्यात आली होती. त्याचबरोबर पोलिसांकडून सदावर्ते यांची 11 दिवसांची पोलिस कोठडी न्यायालयात मागणी करण्यात आली होती. परंतु न्यायालयाने त्यांची पोलिस कोठडी 13 एप्रिलपर्यंत वाढवली आहे. दरम्यान सदावर्ते यांना एक फोन नागपूरहून आला आहे. मात्र हा फोन करणारा सदर व्यक्ती कोण आहे, याचा तपास पोलिसांना करायचा असल्याचे सदावर्ते यांच्या वकीलाने म्हटले आहे. त्याचबरोबर मागील काही दिवसांपासून सदावर्ते यांच्या पोलिस कोठडीत वाढ करण्यात यावी अशी मागणी करण्यात येत होती.

सिल्वर ओकवरील हल्लेखोर कर्मचाऱ्यांना अनिल परबांकडून घरचा रस्ता

शरद पवार (Sharad Pawar) यांच्या घरावर हल्ला केल्याप्रकरणी गावदेवी पोलिसांनी अ‍ॅड. गुणरत्न सदावर्ते यांना काल अटक करण्यात आली असून तब्बल 109 कर्मचाऱ्यांना न्यायालयीन कोठडी सुनावण्यात आली आहे. परिवहन मंत्री अनिल परब (Anil Parab) यांनी आज एसटी कर्मचाऱ्यांच्या बाबत एक महत्त्वाचा निर्णय घेतला असून ते म्हणाले "येत्या 22 तारखेपर्यंत कामावर रुजू होण्याचे आदेश कोर्टाने दिले आहेत तसेच 22 एप्रिल पर्यंत जे कामगार कामावर रुजू होणार नाही त्यांच्यावर कारवाई करण्यात येईल तसेच दिलेल्या मुदतीपर्यंत कामावर हजर राहिल्यास त्या कर्मचार्‍याला कोणत्याही कारवाईला सामोरे जावे लागणार नाही.