Pune Maharashtra: डिजिटल पत्रकारितेत २५ वर्षांचा महत्वपूर्ण टप्पा पूर्ण करणारे ई-सकाळ भारतातील क्रमांक एकचे मराठी डिजिटल संकेतस्थळ म्हणून उदयास आले आहे. ‘कॉमस्कोअर’च्या जानेवारी २०२५ अहवालानुसार  ‘ई-सकाळ’ देशातील सर्वाधिक वाचले जाणारे मराठी संकेतस्थळ ठरले आहे. हे यश सकाळ मीडिया ग्रुपच्या सातत्यपूर्ण उत्कृष्ट पत्रकारितेचे आणि वाचकांच्या प्रचंड विश्वासाचे प्रतीक आहे.

कॉमस्कोर हा आंतरराष्ट्रीय स्तरावर डिजिटल मीडिया विश्लेषण करणारा विश्वासार्ह प्लॅटफॉर्म आहे. कॉमस्कोरच्या ताज्या अहवालानुसार, ‘ई-सकाळ’ला १३.५ दशलक्ष युनिक यूजर्सनी पसंती दिली आहे. ई-सकाळ महाराष्ट्रातील सर्वाधिक वाचले जाणारे आणि देशभरात लोकप्रिय ठरलेले डिजिटल प्लॅटफॉर्म ठरला आहे.

वाचकांसाठी वेगवान, अचूक आणि विश्वासार्ह बातम्या देण्याच्या वचनबद्धतेमुळे सकाळने मराठी डिजिटल विश्वात नवा विक्रम प्रस्थापित केला आहे. राजकीय, सामाजिक, क्रीडा, अर्थकारण, मनोरंजन आणि लाईव्ह अपडेट्स यांसारख्या विविध श्रेणींमध्ये सकाळने आपली विश्वासार्हता सिद्ध केली आहे.

सकाळ समूहाने या यशाबद्दल आपल्या वाचकांचे आभार मानले असून, भविष्यातही दर्जेदार आणि प्रभावी बातमी देण्याचा प्रयत्न करत राहील.

कॉमस्कोरच्या अहवालानुसार कोणतं डिजिटल माध्यम कोणत्या स्थानी?

१) सकाळ (१३.५ दशलक्ष)

२) लोकमत (११ दशलक्ष)

३) लोकसत्ता (६.८ दशलक्ष)

४) टीव्ही ९ मराठी (७.४ दशलक्ष)

५) आणि एबीपी माझा (७.२ दशलक्ष)