निवडणूक आयोगाकडून ठाकरे गटाला 'मशाल' चिन्ह मिळाल्यानंतर, शिंदे गटाला कोणते चिन्ह मिळणार याकडे सर्वांचे लक्ष लागून राहिले होते. अखेर मुख्यमंत्री एकनाथ शिंदे गटाला 'ढाल तलवार' हे निवडणूक चिन्ह मिळाले आहे. निवडणूक आयोगाने शिवसेना हे नाव गोठवल्यानंतर ठाकरे गटाला 'शिवसेना- उद्धव बाळासाहेब ठाकरे' असं नाव मिळाले आहे. तर, शिंदे गटाला 'बाळासाहेबांची शिवसेना' असं नाव मिळाले आहे.
शिंदे गटाने चिन्हासाठी दिलेले तिन्ही पर्याय निवडणूक आयोगाने फेटाळून लावले. त्यानंतर तळपता सूर्य, ढाल तलवार आणि पिंपळाचे झाड असे पर्याय शिंदे गटाने निवडणूक आयोगाला दिले होते. त्यानंतर ' दोन तलवारी एक ढाल' असे निवडणूक चिन्ह मिळाले आहे. त्यामुळे आगामी अंधेरी विधानसभा निवडणूकीत मशाल आणि ढाल तलवार असा सामना पाहायला मिळणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.