राज्यात बलात्काराच्या घटना थांबायचं नाव घेत नाहीत. आधी पुणे (Pune Station) नंतर साकीनाका (Sakinaka Rape Case) आणि आता डोंबिवली (Dombivli), पुणे आणि साकीनाका या दोन ठिकाणच्या घटना ताज्या असतानाच आता डोंबिवलीमधून एक धक्कादायक घटना समोर येत आहे. डोंबवलीमध्ये एका 14 वर्षांच्या मुलीवर सामूहिक बलात्कार झाल्याची घटना घडली आहे. आणि घटनेच्या आरोपाखाली आता 29 जणांविरोधात गुन्हा दाखल करण्यात आला आहे.(Dombivli) rape case: 15-year-old gangraped by 29 persons; 21 hel)

याबाबत अधिक माहिती देताना अतिरिक्त पोलिस आयुक्त दत्ता कराळे यांनी या प्रकरणातील 21 लोकांना अटक करण्यात आली आहे तर इतर दोन ताब्यात घेतलेले आरोपी अल्पवयीन असून उर्वरित सहा आरोपींचा पोलीस शोध घेत असलयाचे सांगितले आहे.

मुख्य आरोपी हा पीडितेचा मित्र असल्याचे सांगितले जात आहे ज्याने जानेवारीमध्ये मुलीवर प्रथम बलात्कार केला होता आणि तिचा व्हिडिओही बनवला होता.नंतर, इतर आरोपींनी त्याच व्हिडिओचा वापर करून मुलीला ब्लॅकमेल केले आणि डोंबिवली, बदलापूर, रबाळे आणि मुरबाडसह विविध ठिकाणी तिच्यावर अनेक प्रसंगी बलात्कार करण्यात आला.

याबाबत पीडितेने बुधवारी रात्री पोलिसांकडे तक्रार नोंदवल्यानंतर भारतीय दंड संहिता कलम 376 (बलात्कार) आणि लैंगिक अपराधांपासून मुलींचे संरक्षण (POCSO) कायद्याअंतर्गत सामूहिक बलात्काराचा गुन्हा दाखल करण्यात आला आहे