राज्यात कोरोनाचं (Covid 19) सावट असताना एसटी महामंडळाने (ST Corporation) गणेशत्सवाच्या पाश्वभूमीवर मोठा निर्णय घेतला आहे. कोकणात दरवर्षी गणेशउत्सवानिमित्त कोकणवासी (Konkan) जातात. त्यांच्या सुरक्षेसाठी लालपरीमध्ये अ‍ॅंटिमायक्रोबियल केमिकल कोटिंग (Antimicrobial Chemical Coating) करण्याचा निर्णय घेण्यात आला आहे. साथीच्या रोगांपासून प्रवाशांना कोणत्याही प्रकारचा त्रास होणार नाही याची खबरदारी म्हणून हा महत्त्वपूर्ण निर्णय घेतला गेला आहे. एसटी मंडळाने अशाप्रकारचा पहिल्यांदा प्रयोग केला आहे. प्राथमिक स्तरावर सध्या 826 गाड्यांना अ‍ॅंटिमायक्रोबियल केमिकल कोटिंग करण्यात येणार आहे. त्यासाठी रत्नागिरीमध्ये (Ratnagiri) नियुक्त एजन्सीचे कर्मचारी दाखल होणार आहेत.

राज्य परिवहन महामंडळाने काढलेले परिपत्रक एसटी विभागाला प्राप्त झाले आहे. त्या अनुषंगाने आता एसटी विभागाने लालपरीला केमिकल कोटिंग करणार आहे, यासंबंधीची माहिती महामंडळाला देण्यात आली आहे. राज्यातील कोरोना परिस्थीतीमुळे परिवहन मंडळाचे चाक तब्बल दिड वर्ष थांबले होते. आता राज्यातील कोरोना संसर्ग कमी झाल्यामुळे काहीसे निर्बंध शिथील करण्याचा निर्णय राज्य सरकारने घेतला आहे. त्यामुळे राज्यातील सार्वजनिक वाहतूक व्यवस्था सुरु झाल्याने एसटी महामंडळाला एक प्रकारचा दिलासा मिळाला आहे.

दुसरीकडे राज्यात एसटी चाक धावू लागली असली तरी कोरोनामुळे एसटीला तब्बल 16 हजार कोटीचा तोटा सहन करावा लागला आहे. त्यामुळेच आता या कोरोना काळात प्रवाशांच्या सुरक्षेसाठी केमिकल कोटिंगचा मोठा निर्णय घेतला आहे. राज्यातील तब्बल 10 हजार गाड्यांना अॅंटिमायक्रोबियल केमिकल कोटिंग करण्यात येणार आहे. यात रत्नागिरी विभागाच्या तब्बल 826 एसटी गाड्यांचा समावेश असणार आहे.

केमिकल कोटिंग वैज्ञानिकरित्या

राज्यातील मैदानी भागापासून ते अतिशय दुर्गम भागामध्ये एसटी पोहोचते. अनेक प्रवाशी एसटीमधून प्रवास करताना स्पर्श करत असतात. ज्यामुळे कोरोनासारखा विषाणूचा प्रसार होण्याचा धोका वाढू शकतो. हाच धोका टाळण्यासाठी राज्य परिवहन मंडळांने अॅंटिमायक्रोबियल केमिकल कोटिंग वैज्ञानिकपध्दतीने करण्याचा निर्णय घेतला आहे.