Pune: पुण्यातील ओशो आश्रमात मोठा गोंधळ निर्माण झाल्याची माहिती समोर आली आहे. पोलिस आणि अनुयायी यांच्यात संघर्ष झालेला दिसून आला आहे. या संघर्षात पोलिसांनी ओशो अनुयायांवर लाठीचार्ज केला आहे.

मिळालेल्या माहितीनुसार, ओशो आश्रम प्रशासन आणि ओशो अनुयायामध्ये संघर्ष निर्माण झाला आहे. आता अनुयायांनी आक्रमक भूमिका घेतली आहे. आश्रमाच्याबाहेर पोलिसांचा मोठा बंदोबस्त होता.

अनुयायी आक्रमक झाल्यानंतर पोलिसांनी लाठीचार्जचा अवलंब केला. अनुयायांनी जबरदस्तीने आश्रमात प्रवेश केल्यानंतर परिस्थिती बिघडली त्यानंतर या संघर्ष वाढल्याची माहिती मिळाली आहे. पोलिसांनी अनेक अनुयायांना ताब्यातही घेतले आहे.

दरम्यान, आचार्य रजनीश ओशो यांचा काल 70वा संबोधी दिवस साजरा झाला. या निमित्तानं जगभरातून अडीच ते तीन हजार ओशोंचे अनुयायी कोरेगाव पार्क येथील आश्रम परिसरात दाखल झाले.

मोठ्या प्रमाणावर अनुयायी एकत्रित आल्याने त्यांनी ओशो आश्रमात सुरक्षारकांना डावलून प्रवेश मिळवला, त्यामुळं गोंधळाचं वातावरण निर्माण झालं होतं.