Aurangabad News: प्रियकराने स्वत: ला पेटवून घेत प्रेयसीला मिठी मारल्याची घटना औरंगाबाद जिल्ह्यात घडली आहे. डॉ. बाबासाहेब आंबेडकर मराठवाडा विद्यापीठाच्या परिसरात घडलेल्या या घटनेमुळे सर्वत्र खळबळ निर्माण झाली आहे. या घटनेत दोघेही गंभीर जखमी झाले असून त्यांना शासकीय रुग्णालयात दाखल करण्यात आले आहे.

मराठवाडा विद्यापीठात झुलॉजी विभागातील गजानन मुंडे आणि पूजा साळवे हे दोघेही संशोधक विद्यार्थी आहेत. दोघेही शासकीय न्याय सहाय्यक विज्ञान संस्था कॉलेजमध्ये आले होते, त्यावेळी दोघांमध्ये वाद झाला. त्यानंतर प्रियकर गजानन मुंडे याने अंगावर पेट्रोल टाकून स्वत:ला पेटवून घेत, प्रेयसीला मिठी मारली. या घटनेमध्ये दोघे गंभीररित्या गंभीर जखमी झाले आहेत.

दरम्यान, या घटनेची माहिती मिळताच पोलिसांनी घटनास्थळी धाव घेतली. दोघांवर शासकीय रुग्णालय घाटी येथे उपचार सुरू आहेत. पोलीस अधिक तपास करत आहे.