कोल्हापूर : कोल्हापूर उत्तर विधानसभा मतदारसंघाच्या पोटनिवडणुकीचा प्रचार शिगेला पोहोचला आहे. भाजपनं कोल्हापूरची ही निवडणूक प्रतिष्ठेची केली असून प्रचारासाठी भाजप प्रदेश उपाध्यक्ष चित्रा वाघ कोल्हापूरमध्ये आल्या होत्या. त्या भाजपचे उमेदवार सत्यजीत कदम यांच्या प्रचारार्थ सभेत आल्या होत्या. यावेळी यांच्या प्रचार सभेत अज्ञातांतकडून दगडफेक करण्यात आल्याचा दावा त्यांनी ट्वीटवर केला आहे. त्यांच्या या दाव्यामुळे कोल्हापूरमध्ये खळबळ उडाली आहे. (BJP leader Chitra Wagh’s meeting stoned)

कोल्हापूर पोटनिवडणुकीच्या (Kolhapur by-election) निमित्ताने भाजपच्या (BJP) महिला प्रदेशाध्यक्षा चित्रा वाघ या कोल्हापूरात आल्या होत्या. त्यांची मुक्तसैनिक वसाहत इथं रात्री सभा सुरू पार पडली. यासभेत अज्ञातांतकडून दगडफेक करण्यात आल्याचा दावा वाघ यांनी ट्विटर करून याबद्दल माहिती दिली.

यावेळी वाघ यांनी ट्विट करत, 'वा रे बहादुरांनो, समोर यायची हिंमत नाही म्हणून सभेत दगडे (Stone) मारता का? 'तुमची दहशत गुंड बलात्काऱ्यांना दाखवा असल्या थेऱ्यांना घाबरणारी चित्रा वाघ नाही' असं लिहीत त्यांनी हा प्रकार करणाऱ्यांना इशारा दिला.

दरम्यान सभेवर दगडफेक करण्यासंदर्भात पोलिसांमध्ये (Police) कोणतीही तक्रार करण्यात आलेली नाही. पण, चित्रा वाघ यांच्या आरोपांमुळे कोल्हापुरात खळबळ उडाली आहे.