समाजसेवक (Social worker) अण्णा हजारे यांची प्रकृती गुरुवारी अचानक बिघडली. छातीत दुखू लागल्याने त्यांना पुण्यातील रुग्णालयात दाखल करण्यात आले आहे. त्यांना डॉक्टरांच्या देखरेखीखाली ठेवण्यात आले आहे. सध्या त्यांची प्रकृती स्थिर असल्याचे सांगण्यात येत आहे. रुबी हॉल क्लिनिकचे (Ruby Hall Clinic) वैद्यकीय अधीक्षक डॉ अवधूत बोदमवाड यांनी सांगितले की, अण्णा हजारे यांना छातीत दुखू लागल्याने रुग्णालयात दाखल करण्यात आले होते. त्यांना निरीक्षणाखाली ठेवण्यात आले आहे.

अण्णा हजारे यांची अँजिओग्राफी करण्यात आली आहे. डॉक्टरांनी त्यांना विश्रांती घेण्याचा सल्ला दिला आहे. रुग्णालयात दाखल झाल्यानंतर मुख्यमंत्री (CM) उद्धव ठाकरे (Uddhav Thackeray) यांनी अण्णा हजारे यांच्या प्रकृतीची विचारपूस केली. उद्धव ठाकरे यांनी अण्णा हजारे लवकरात लवकर बरे व्हावेत, अशा शुभेच्छा दिल्या आहेत. सामाजिक कार्यकर्त्या अंजली दमानिया यांनी सांगितले की, अण्णा हजारे यांना पुण्यातील रुग्णालयात दाखल करण्यात आले आहे.

सर्वाधिक ओळख दिल्ली आंदोलनातून

पुण्यातील 84 वर्षांचे अण्णा हजारे हे देशातील अनेक मोठ्या आंदोलनांचे नेतृत्व करण्यासाठी ओळखले जातात. माहितीच्या अधिकारासाठी (Right to Information) त्यांनी काम केले. जनलोकपाल लागू करण्याच्या मागणीसाठी 2011 मध्ये केलेल्या उपोषणामुळे त्यांना सर्वाधिक मान्यता मिळाली. दिल्लीतील हे आंदोलन अण्णा आंदोलन या नावाने जगभर ओळखले जात होते. त्यामुळे त्यांना भारताबाहेरही ओळख मिळाली. अण्णा हजारे यांना भारत सरकारने (Government of India) पद्मभूषण (Padma Bhushan) देऊन सन्मानित केले आहे. याशिवाय त्यांना त्यांच्या कामासाठी अनेक पुरस्कार मिळाले आहेत.