मुंबई: माजी पोलीस आयुक्त परमबीर सिंह (Parambir singh) यांना फरार घोषित केल्यानंतर ते महाराष्ट्रातच आहेत असे समोर आले होते. त्यांच्या जीवाला धोका आहे त्यांच्या वकिलांकडून असे सांगण्यात आले होते. परमबीर सिंह हे चौकशी समोर जाण्यास तयार आहेत असे सांगितल्यानंतर ते चांदिवाल चौकशी आयोगाला (Chandiwal commission) मध्ये गेले होते. तिथे त्यांनी महत्त्वपूर्ण माहिती दिली आहे.

माजी गृहमंत्री अनिल देशमुख (Anil Deshmukh) यांच्याविरुद्ध 100 कोटी ची वसुलीचे आरोप आपण ऐकलेल्या गोष्टींवर केले होते. असा मोठा खुलासा त्यांनी यावेळी केला. तसेच ते कॉमरासमोर साक्षीदार म्हणून हजर राहण्यास नकार दिला. म्हणजे परमबीर सिंह यांच्याकडे केलेल्या आरोपांवर पुरावे नाहीत. फक्त ऐकीव माहितीवर परमबीर सिंह (Parambir Singh) यांनी माजी गृहमंत्र्यांवर असे आरोप केले.

तसेच, सचिन वाझेच्या प्रकरणात परमबीर सिंह यांना मुंबई पोलीस (Mumbai Police) आयुक्त पदावरुन हटवले त्यानंतर मुख्यमंत्र्यांना पत्र पाठवण्यात आले होते. तत्कालिन गृहमंत्री अनिल देशमुखांवर गंभीर आरोप केले गेले. हे पत्र लीक झाल्यानंतर राज्याच्या राजकारणात खळबळ उडाली. यामध्ये त्यांच्यावर वसुलीचे गंभीर आरोप केले होते. एकूणच या सर्व प्रकरणासाठी राज्य सरकारने चांदीवाल चौकशी आयोगाची स्थापना केली.