पुणे : शिवाजीनगर परिसरातील गर्ल्स हायस्कूलमध्ये एका 11 वर्षीय मुलीवर लैंगिक अत्याचार झाल्याचे उघड झाले असून याप्रकरणी शिवाजीनगर पोलीस ठाण्यात अज्ञाताविरोद्धात गुन्हा दाखल आहे. तर पोलिसांनी तपास सुरु केला असून याप्रकरणी पीडित मुलीच्या आईनेच तक्रार दाखल केली आहे. (An 11-year-old girl was sexually abused in a girls' high school toilet)

याप्रकरणी पोलिसांनी दिलेली माहिती अशी की, शिवाजीनगर परिसरात असणाऱ्या एका गर्ल्स हायस्कूलच्या शौचालयात एका अज्ञाताने 11 वर्षीय मुलीवर लैंगिक अत्याचार (Sexual Abused) केला. त्या अज्ञाताने त्या मुलीला जबरदस्तीने टॉयलेटमध्ये (Toilet) नेत तिच्यावर अत्याचार केला. त्यानंतर त्या मुलीने घडलेला हा प्रकार मैत्रिणीला सांगितला. त्यानंतर ही माहिती शिक्षकांना देण्यात आली. घडलेल्या प्रकाराचे गांभिर्य पाहत शिक्षकांनी मुलीच्या पालकांना आणि पोलिसांना फोन करुन हा प्रकार सांगितला. घडनेची माहिती मिळताच पोलीस उपायुक्त प्रियांका नरनावरे यांच्यासह वरिष्ठ अधिकारी शाळेत पोहोचले आणि घटनास्थळाची पाहणी केली.

त्यानंतर या प्रकरणी अज्ञात आरोपीविरोधात पॉक्सो (Poxo) कायद्याअंतर्गत गुन्हा दाखल करण्यात आला असून पोलिस (Police) अधिक तपास करत आहेत. त्याचबरोबर आरोपीला पकडण्यासाठी पोलिसांनी एक पथक तयार केल्याचे शिवाजीनगर पोलीस स्टेशनच्या वरिष्ठ पोलीस निरीक्षक अनिता मोरे यांनी दिली.