एकतर्फी प्रेमातून एका शिक्षिकेला (Teacher) जिवंत जाळण्यात आलं आहे, हिंगणघाट (Hinganghat) जळीतकांड प्रकरणी न्यायालय आज निकाल लागला आहे. 3 फेब्रुवारी 2020 रोजी आरोपी विकेश नगराळेने एकतर्फी प्रेमातून शिक्षिकेला पेटवलं होतं. 10 फेब्रुवारीला तिचा मृत्यृ झाला होता. महत्वाचं म्हणजे, पीडित तरुणीच्या मृत्यूला 2 वर्ष पूर्ण होताना आज हा निकाल सुनावण्यात आला आहे. प्रकरणाचे गांभीर्य लक्षात घेत सरकारने विशेष सरकारी वकिल म्हणून उज्वल निकमांची नियुक्ती केली होती. (Hinganghat Case Update)

आज न्यायालयात शिक्षेच्या प्रमाणाबद्दल युक्तीवाद करण्यात आला आहे. सरकारी पक्षाच्या वतीने शिक्षेच्या प्रमाणाबद्दल युक्तीवाद करताना फाशीच्या शिक्षेची मागणी करण्यात आली होती. तर बचाव पक्षाने या प्रकरणी तपास नीट झालेला नसून दोषीला कमीत- कमी शिक्षा द्यावी, अशी मागणी यावेळी करण्यात आली होती, तसेच दोषी विकेश नगराळेचे आई- वडील वृद्ध आहेत. तसेच त्याला एक लहान मुलगी आहे.

यामुळे त्याला कमीत कमी शिक्षा द्यावी, असा युक्तिवाद बचाव पक्षाकडून करण्यात आला. दरम्यान या प्रकरणाची गंभीरता पाहता व समाजामध्ये पुन्हा अशा प्रकारचे कृत्य करण्यास कोणी धजावू नये म्हणून, सरकारी पक्षाने आरोपीस कठोरात कठोर शिक्षा द्यावी असा युक्तिवाद केला आहे. दोन्ही बाजूंचा युक्तिवाद झाल्यानंतर अखेर न्यालयाने (Court) आरोपीस आजन्म कारावास शिक्षा सुनावली आहे.