विषारी आणि दुर्मिळ किंगकोब्राला पकडून स्वत:जवळ ठेवल्याप्रकरणी सिंधुदुर्ग येथील कथित सर्पमित्राला अटक केली आहे. या व्यक्तीने सापाचे चित्रीकरण तसेच, प्रदर्शन करण्यासाठी साप बाळगल्याचे उघकीस आले आहे. दोडमार्ग तालुक्यातील पाळये गावातील राहुल विजय निरलगी याला वनविभाने अटक केलीय.

मिळालेल्या माहितीनुसार, आरोपी राहुल निरलगी याने दुर्मिळ आणि विषारी किंगकोब्राला पकडून स्वत:जवळ ठेवले. याबाबत वनविभागाला कोणत्याही प्रकारची पूर्वकल्पना दिली नाही, जे कायद्यानुसार बंधनकारक आहे. दोडामार्ग वनविभागाला यााबाबत माहिती मिळताच त्यांनी तरूणाचा शोध घेऊन त्याला ताब्यात घेण्यात आले. आरोपीने सापाचे चित्रीकरण केलेला मोबाईल देखील लंपास केला.

वन्यजीव संरक्षण अधिनियम 1972 प्रमाणे अनेक प्राणी दुमिळ वन्यजीवांना संरक्षण देण्यात आले आहे. यामध्ये वाघ, गवा, बिबट्या तसेच किंगकोब्रा सापाला देखील संरक्षित करण्यात आले आहे.