Mumbai To Panaji AC Bus Dainik Gomantak
महाराष्ट्र

Mumbai To Panaji AC Bus: ख्रिसमसनिमित्त गोवेकरांना भेट, मुंबई ते पणजी एसी बससेवा; दर रेल्वे तिकीटापेक्षाही कमी

Akshay Nirmale

Mumbai To Panaji AC Bus: महाराष्ट्र राज्य परिहवन महामंडळ (MSRTC) ने मुंबई-पणजी मार्गावर वातानुकूलित (एसी) शिवशाही बससेवा सुरू करण्याचा निर्णय घेतला आहे. महाराष्ट्र राज्य परिवहन मंडळाच्या या निर्णयाने गोवेकरांना ऐन ख्रिसमसमध्ये आणि नववर्षानिमित्त मोठे गिफ्ट मिळाले आहे. विशेष म्हणजे, या बससेवेचे दर रेल्वेदरांपेक्षाही कमी आहेत.

या एसी बसचे तिकीट 1 हजार 245 रुपये इतके असणार आहे. शुक्रवार (23 डिसेंबर) पासून या सेवेस सुरवात होत आहे. या बसच्या प्रवासात पनवेल, महाड, चिपळूण, राजापूर, कणकवली, सावंतवाडी असे थांबे असणार आहेत. मुंबई सेंट्रलहून दुपारी 4.30 वाजता ही बस सुटेल आणि दुसऱ्या दिवशी सकाळी 7 वाजता ती पणजीमध्ये पोहचेल.

मुंबई-गोवा या मार्गावर सध्या गोवा राज्य परिवहन महामंडळाची 'कदंब' ही बससेवा सुरू आहे. तिचे प्रतिप्रवासी भाडे 1 हजार 250 रूपये इतके आहे. शिवाय या मार्गावरील इतर खासगी बसेसचे भाडे साधारण दीड हजार रूपयांपर्यंत असते. पुढील आठवड्यात ख्रिसमस आणि नवीन वर्षांच्या सेलिब्रेशनच्या पार्श्वभुमीवर खासगी बसेसचे भाडे 2 ते 2.5 हजारांवर जाण्याची शक्यता आहे. अशा स्थितीत प्रवाशांना एसटीच्या शिवशाहीचा आरामदायी पर्याय उपलब्ध होत आहे.

या बसचे आरक्षण एसटीच्या आरक्षण कार्यालयांसह एमएसआरटीसी मोबाइल अॅपवरूनही करता येणार आहे. नवीन वर्षाची सुरवात करण्यासाठी गोव्याला जाणाऱ्या मुंबईतील पर्यटकांनाही या बससेवेचा लाभ होणार आहे. पर्यटकांची ही गरज लक्षात घेऊनच महामंडळाने हा निर्णय घेतला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Saint Francis Xavier: सुभाष वेलिंगकरांच्या अटकेसाठी उद्रेक; पर्यटक, विद्यार्थ्यांचे हाल, गोव्यात दिवसभर कुठे काय घडलं?

Goa HSE Board Exam: गोवा बारावी बोर्ड परीक्षेच्या वेळापत्रकात बदल, JEE परीक्षेमुळे मोठा निर्णय

Goa Today's News Live: बेपत्ता सुभाष वेलिंगकरांचा अटकपूर्व जामीन अर्ज!

Fact Check: गोव्यात बोट पलटी होऊन 23 लोकांचा मृत्यू, 64 बेपत्ता; व्हायरल व्हिडिओ मागील सत्य काय?

Tourist in Goa: गोव्यात धार्मिक तणाव, पर्यटकांची पायपीट तर शाळकरी मुलांचे हाल!!

SCROLL FOR NEXT