नवी दिल्ली: छत्रपती संभाजीराजे (Chhatrapati Sambhaji Raje) यांनी मराठा आरक्षणाबाबत (Maratha Reservation) आपल्याला राज्यसभेत बोलण्याची संधी मिळावी यासाठी उपराष्ट्रपतींना पत्र लिहिले आहे. काल संसदेत आरक्षणासाठी आवश्यक घटनादुरुस्ती विधेयक मंजूर झाले. याबाबत बोलताना छत्रपाती संभाजीराजेंनी 50 टक्क्यांची मर्यादा (50 percent limit) उठविल्याशिवाय महाराष्ट्रात मराठ्यांना आरक्षण देणे शक्य आहे का ? (Is it possible to make a reservation?) असा सवाल त्यांनी उपस्थित केला आहे.

खासदार संभाजीराजे म्हणाले, अपवादात्मक स्थिती आहे का नाही ते राज्य ठरवू शकते. पण घटनेत बदल करण्याचा अधिकार राज्य सरकारला नाही. ते बदल केंद्र सरकारलाच करावे लागतात. त्यामुळे अशा अपवादात्मक परिस्थितीत केंद्रानेच 50 टक्क्यांच्यावर आरक्षण द्यायला हवे.

मी छत्रपती शिवाजी महाराजांचा आणि छत्रपती शाहू महाराजांचा वंशज आहे. राजर्षी शाहू महाराजांनी 1902 साली पहिले आरक्षण दिले. यामध्ये ओबीसी, अनुसूचित जाती-जमाती आणि मराठा समाजाचा समावेश यात होता. ते डॉ.बाबासाहेब आंबेडकरांनी घटित केले. 2007 पासूनच आम्ही हा लढ लढत आहोत. मराठा समाजाला त्यांचा न्याय मिळवून देण्याचा माझा प्रयत्न आहे. त्यामुळेच आज राज्यसभेत यासंदर्भात बोलण्यासाठी मी उराष्ट्रपतींना पत्र लिहिले आहे. तेथे मी माझी भूमिका स्पष्ट पणे मांडेन. तेथे बोलण्याची संधी मला मिळेल, असा विश्वास आहे. बोलण्याबाबत मला अद्याप कोणताही निरोप आलेला नाही. असे खासदार संभाजी राजेंनी स्पष्ट केले.