महाराष्ट्रामधील अमरावती (Amravati) जिल्ह्यातील अचलपूर येथे झेंडा काढल्याचा वादावरुन दोन गटात तुफान राडा झाला. याच वादामध्ये दगडफेक करण्यात आली आहे. त्यामुळे या भागात तणावाचे वातावरण निर्माण झाले आहे. तसेच अचलपूर आणि परतवाडा शहरात कलम 144 लागू करण्यात आले आहे. (Amravati latest news)

अमरावती जिल्ह्यातील अचलपूर शहरात दुल्हा गेटवर झेंडा काढण्यावरून दोन गटात वाद झाला. पोलिसांच्या मध्यस्थीमुळे हा वाद मिटवला पण त्यानंतर परिसरात तणावपूर्ण वातावरण निर्माण झाले आहे.

या परिस्थितिचा अंदाज घेता आणखी कुठलाही वाद होऊ नये म्हणून या भागामध्ये जमावबंदीचे आदेश लागू करण्यात आली आहे. तसेच या परिसरात पोलिसांचा मोठा बंदोबस्त तैनात करण्यात आला आहे. तसेच सध्या दोन्ही शहरात सध्या तणावपूर्ण शांतता आहे.