राज्यात मागील काही दिवसांपासून पावसाची तीव्रता मंदावली आहे. मागील २४ तासांत राज्यात सरासरी १५.७ मिमी पावसाची नोंद करण्यात आली. पुढील पाच दिवस राज्यात तुरळक पाऊस पडण्याची शक्यता गोवा वेधशाळेने वर्तविली आहे. सर्वसामान्यपणे जून ते सप्टेंबर हा मान्सून कालावधी मानला जातो. तो संपुष्टात आल्यानंतर आता पावसाचा परतीचा प्रवास सुरू झाला आहे. त्यामुळे आता पावसाची तीव्रता मंदावली आहे.

गोवा सरकारने गोवा दुकाने व आस्थापना (रोजगाराचे नियमन व सेवा अटी) अधिनियम, २०२५ (गोवा अधिनियम क्र. २३, २०२५) लागू केला आहे. यामुळे राज्यातील हॉटेल्स, रेस्टॉरंट्स, नाट्यगृहे, दुकाने व विविध व्यावसायिक आस्थापनांवर लागू असलेला १९७३ चा कायदा रद्द झाला आहे.

ओपा जलशुद्धीकरण प्रकल्पातील पाण्याची वाहिनी जोडणीवर तुटल्याने पणजी भागात पाणी पुरवठा मर्यादित. दुरुस्तीचे काम संध्याकाळ पर्यंत होण्याची शक्यता. सर्व अभियंते घटनास्थळी.

अनमोड राष्ट्रीय महामार्गावर ट्रक आणि मारुती व्हॅनमध्ये भीषण अपघात. मारुती व्हॅन चक्काचूर तर अपघाती ट्रक कोसळला खोल दरीत. ट्रक चालक जखमी झाला असून, त्याला उपचारासाठी रुग्णालयात दाखल करण्यात आले आहे. कुळे पोलिसांनी घटनास्थळी दाखल होत पंचनामा केला. गुरुवारी उशीरा रात्री ही घटना घडली.