४५५.५ कोटी रुपयांचा दाभोळी-वेर्णा उड्डाणपूल प्रकल्प. काँग्रेसकडून एसआयटी चौकशीची मागणी; एनएचएआय आणि पीडब्ल्यूडीकडून निकृष्ट दर्जाच्या कामाचा आरोप

खोर्ली यंथील पीडीए कॉलनीतील सार्वजनिक गणेशोत्सव मंडळातर्फे शुक्रवार ३१ रोजी सायंकाळी ६.३० वा. गोवा आकाशकंदील स्पर्धा आयोजित केली आहे. स्पर्धकांनी वेळेवर उपस्थित राहावे, असे आवाहन आयोजकांनी केले आहे.

पर्यटकांना अडथळे निर्माण केल्याप्रकरणी कपडे विकणाऱ्या चार लमाणी महिलांना पर्यटक खात्याचे निरीक्षक जतिन पोद्दार यांच्या मार्गदर्शनाखाली यतीन शेट्ये व अँथनी मॉन्टेरो यांनी पकडून पोलिसांच्या ताब्यात दिले. मांद्रे पोलिसांनी भारतीय दंड संहिता कलम ३५ (३) गुन्हा नोंद केला आहे. पुढील तपास सुरू आहेत.

डिचोलीच्या भर बाजारात एका इमारतीत दिवसाढवळ्या संशयास्पदरीत्या वावरणाऱ्या एका युवकाला लोकांनी पकडून पोलिसांच्या ताब्यात दिले. पोलिसांच्या ताब्यात देण्यापूर्वी लोकांनी या युवकाची यथेच्छ धुलाई केल्याची माहिती मिळाली आहे.

हा युवक एका इमारतीची गेट तोडत होता. त्यावेळी त्याला रंगेहाथ पकडल्याने तो चोरी करण्याच्या उद्देशाने आला असावा, असा संशय वर्तविण्यात येत आहे. पोलिस त्यादृष्टीने तपास करीत आहेत. हा युवक परप्रांतीय असल्याची माहिती मिळाली आहे.

गिरदोली चांदर येथे एका ३६ वर्षीय इसमाने विहिरीत उडी घेऊन आत्महत्या केली. महेश नाईक असे मयताचे नाव असून, तो मूळ कारवार जिल्ह्यातील हुळगा येथील असल्याची माहिती मायणा कुडतरी पोलिसांनी दिली. अनैसर्गिक मृत्यू म्हणून घटनेची नोंदवून करण्यात आली आहे.

मये येथे ‘उडाना’ रेल्वेच्या धडकेने एक रेडा ठार झाला. कोकण रेल्वे पोलिसांनी मागाहून घटनास्थळी जाऊन पंचनामा केला. पशुचिकित्सकाकडून मृत रेड्याची चिकित्सा करून नंतर विल्हेवाटीसाठी मये पंचायतीच्या ताब्यात देण्यात आला.

दुचाकींची समोरासमोर धडक होऊन झालेल्या अपघातात कुडतरीमधील एका व्यक्तीचा मृत्यू झाला. हा अपघात काल संध्याकाळी घडला. पोलिसांनी दिलेल्या माहितीनुसार मंगळवार, २८ ऑक्टोबर रोजी बायणा येथे झालेल्या अपघातात कुडतरी येथील ४३ वर्षीय कुलासो यांचा मृत्यू झाला.