Rohit Sharma And Yashasvi Jaiswal  Dainik Gomantak
क्रीडा

India vs West Indies: रोहित-यशस्वीच्या जोडीने केला 'महा रेकॉर्ड', द्रविड अन् सेहवागही करु शकले नाहीत अशी कामगिरी!

Partnership Records: टीम इंडियाने मालिकेतील दुसऱ्या आणि शेवटच्या कसोटी सामन्यात वेस्ट इंडिजचा पहिला डाव 255 धावांत गुंडाळला.

Manish Jadhav

India vs West Indies, 2nd Test Day 4 : भारत आणि वेस्ट इंडिज यांच्यात पोर्ट ऑफ स्पेन येथील क्वीन्स पार्क ओव्हल मैदानावर मालिकेतील दुसरा आणि अंतिम कसोटी सामना (IND vs WI 2nd Test) खेळला जात आहे.

या सामन्यात विराट कोहलीने (121) कारकिर्दीतील 76 वे आंतरराष्ट्रीय शतक झळकावले, ज्यामुळे भारताने पहिल्या डावात 438 धावा केल्या.

यानंतर विंडीजचा संघ 255 धावांवर सर्वबाद झाला. त्यानंतर चौथ्या दिवशी कर्णधार रोहित शर्मा आणि यशस्वी जयस्वाल यांनी रेकॉर्ड बुकमध्ये नाव नोंदवले.

विराटनंतर सिराज चमकला

दरम्यान, टीम इंडियाने (Team India) मालिकेतील दुसऱ्या आणि शेवटच्या कसोटी सामन्यात वेस्ट इंडिजचा पहिला डाव 255 धावांत गुंडाळला. या सामन्यात भारताने 438 धावा केल्या. भारताचा माजी कर्णधार विराट कोहलीने त्याच्या आंतरराष्ट्रीय कारकिर्दीतील 76 वे शतक झळकावले.

त्याने 206 चेंडूंचा सामना करत 11 चौकारांच्या मदतीने 121 धावा केल्या. यानंतर वेगवान गोलंदाज मोहम्मद सिराजने अप्रतिम कामगिरी करत 5 बळी घेतले.

विंडीज संघाचा पहिला डाव 115.4 षटकांपर्यंतच मर्यादित होता. वेस्ट इंडिजचा कर्णधार क्रेग ब्रॅथवेटने 75 धावांची संयमी खेळी खेळली. त्याने 235 चेंडूंचा सामना करत 5 चौकार, 1 षटकार लगावला.

रोहित आणि यशस्वीने टोन सेट केला

दुसरीकडे, या मालिकेत डॅशिंग सलामीवीर रोहित शर्माने यशस्वी जयस्वालसोबत अप्रतिम भागीदारी केली. दोघांनी मिळून 2 सामन्यांच्या मालिकेत 466 धावांची सलामी भागीदारी केली.

रोहितने त्रिनिदाद कसोटीच्या पहिल्या डावात यशस्वीसह 139 धावा आणि दुसऱ्या डावात 98 धावा काढल्या. त्याचवेळी, डॉमिनिका येथे झालेल्या पहिल्या कसोटीत त्याने 229 धावांची सलामी दिली होती. यासह त्याने 2 सामन्यांच्या कसोटी मालिकेत मोठा विक्रम केला.

2 सामन्यांच्या कसोटी मालिकेतील सर्वात मोठी ओपनिंग पार्टनरशिप

यासह रोहित आणि यशस्वीने मिळून भारतासाठी 2 सामन्यांच्या कसोटी मालिकेत सर्वात मोठी ओपनिंग पार्टनरशिप केली. टॉप-5 च्या यादीत फक्त रोहित आणि यशस्वीचे नाव आहे.

ग्रॅम स्मिथ आणि नील मॅकेन्झी (2008 मध्ये बांगलादेशविरुद्ध) हे अव्वल स्थानावर आहेत, ज्यांनी 2 सामन्यांमध्ये सलामीवीर म्हणून 479 धावा काढल्या.

दुसऱ्या क्रमांकावर डीन एल्गर आणि एडन मार्कराम (बांगलादेशविरुद्ध) आहेत, ज्यांनी 2017 मध्ये 469 धावांची ओपनिंग पार्टनरशिप केली होती. या यादीत रोहित आणि यशस्‍वी तिसर्‍या क्रमांकावर असून ते त्यांच्यापेक्षा केवळ 3 धावांनी मागे आहेत.

भारतासाठी मालिकेतील सर्वात मोठी ओपनिंग पार्टनरशिप!

यासह रोहित आणि यशस्वीने भारतासाठी एका मालिकेत सर्वात मोठ्या ओपनिंग पार्टनरशिपच्या यादीत स्थान मिळवले. या यादीत दिग्गज सुनील गावस्कर आणि चेतन चौहान यांची नावे आघाडीवर आहेत.

गावस्कर आणि चेतन यांनी 1979-80 च्या ऑस्ट्रेलियाविरुद्धच्या कसोटी मालिकेत 537 धावा केल्या होत्या. दुसऱ्या क्रमांकावर वीरेंद्र सेहवाग आणि गौतम गंभीरची जोडी आहे.

ज्यांनी 2005 मध्ये पाकिस्तानविरुद्ध सलामीवीर म्हणून 477 धावा काढल्या होत्या. या मालिकेत सलामीवीर म्हणून 466 धावा करणाऱ्या रोहित आणि यशस्वी तिसऱ्या क्रमांकावर आहेत.

सेहवाग आणि द्रविडला मागे सोडले

रोहित आणि यशस्वीने दिग्गज वीरेंद्र सेहवाग-राहुल द्रविडला मागे सोडले. वास्तविक, सेहवाग आणि आकाश चोप्रा भारतासाठी (India) मालिकेतील सर्वात मोठ्या ओपनिंग पार्टनरशिपच्या यादीत चौथ्या क्रमांकावर आहेत, ज्यांनी ऑस्ट्रेलियात 2003-04 मालिकेत 459 धावा केल्या होत्या.

त्याचबरोबर, सेहवाग आणि राहुल द्रविड (पाकिस्तान विरुद्ध, 2006) या यादीत पाचव्या स्थानावर आहेत. त्यानंतर सेहवाग आणि द्रविडने या कट्टर प्रतिस्पर्ध्याविरुद्धच्या मालिकेत 457 धावा केल्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT