साउथॅम्प्टन : जागतिक कसोटी स्पर्धेच्या अंतिम (WTC) सामन्यात उत्साह आता शिगेला पोहोचला आहे. काल दोन्ही संघांनी जबरदस्त खेळ केला. काल सामन्याच्या पाचव्या दिवशी भारतीय (India) गोलंदाजांनी अचूक मारा करीत न्युझीलंड (New Zealand) संघाला २४९ धावांत रोखले आणि दुसऱ्या डावात फलंदाजी करताना भारताने न्युझीलंडवर २ गड्यांच्या मोबदल्यात ३२ धावांची आघाडी घेतली आहे. सामन्याच्या आजच्या शेवटच्या दिवशी काय होणार ते अद्याप सांगता येत नाही. कारण दोन्ही संघ तेवढेच तुल्यबळ असून प्रत्येक चेंडूवर ते फाईट करताना दिसत आहेत. (WTC Final IND Vs NZ It will be known today whether there will be a draw or not)

शेवटच्या दिवशी पावसाचा व्यत्यय नाही

सामन्याच्या आजच्या शेवटच्या दिवशी एक चांगली बातमी समोर येत आहे. आज सामन्यात पावसाचा व्यत्यय येणार नाही. त्यामुळे आज ९८ पषटकांचा पूर्ण खेळ होईल. अशी आशा सर्वांना आहे. भारताचा कर्णधार विराट कोहोली आणि चेतेश्वर पुजारा हे खेळत आहेत. त्यांच्याकडून चांगल्या खेळीची सर्वांनाच आपेक्षा आहे. भारताने जर २०० धावांची आघाडी घेत न्युझीलंडला खेळण्यास दिले तर सामन्यातील रंगत आजून वाढेल.

Euro Cup 2020 : रशियावर मोठा विजय मिळवत डेन्मार्कचा बाद फेरीत प्रवेश

...तर न्युझीलंडचा विजय झाला असता : मायकल वॉर्न

भारतीय संघ सध्या चांगल्या स्थितीत असला तरी इंग्लंडच्या माजी खेळाडू मायकल वॉर्न याने भारतीय संघावर टीकास्त्र सोडले आहे. वॉर्न म्हणले आहे की, जागतिक कसोटी स्पर्धेच्या अंतिम सामना इंग्लंड शिवाय इतरत्र खेळला गेला असता. तर न्युझीलंडने आतापर्यंत सामना जिंकला असता. तसेच खेळ एका मिनिटासाठी देखील थांबला नसता.