WPL 2024 Auction: महिला प्रीमियर लीगच्या आगामी हंगामासाठी आज, शनिवारी (9 डिसेंबर) मुंबईत एकूण 165 खेळाडूंचा लिलाव सुरु झाला आहे. ज्यामध्ये गुजरात जायंट्सने कांगारु महिला संघाची दिग्गज क्रिकेटपटू फीबा लिचफिल्डला 1 कोटी रुपयांना त्यांच्या संघाचा भाग बनवले. ही आजची पहिली बोली आहे. आता गुजरातच्या पर्समध्ये 4.95 कोटी रुपये शिल्लक राहिले आहेत. लिलावाच्या यादीत 104 भारतीय आणि 61 विदेशी खेळाडूंचा समावेश आहे, त्यापैकी 15 खेळाडू सहयोगी देशांचे आहेत. पाच संघांमध्ये फक्त 30 जागा शिल्लक आहेत. यापैकी परदेशी खेळाडूंसाठी फक्त 9 स्लॉट उपलब्ध आहेत. 21 विदेशी महिला खेळाडूंसह 60 क्रिकेटपटूंना पाच फ्रँचायझींमध्ये कायम ठेवण्यात आले आहे. तर दुसरीकडे त्यांच्या सध्याच्या संघातून 29 खेळाडूंना रिलीज करण्यात आले आहे.
दरम्यान, ऑस्ट्रेलियाच्या फोबी लिचफिल्डच्या नावाने लिलाव सुरु झाला. तिची मूळ किंमत 30 लाख होती. लिचफिल्डला गुजरात जायंट्सने एक कोटी रुपयांना विकत घेतले. लिचफिल्डसाठी गुजरात आणि यूपीने बोली लावली. मात्र अखेर, यामध्ये गुजरातने बाजी मारत लिचफिल्डरला आपल्या संघाचा भाग बनवले. लिचफिल्ड व्यतिरिक्त, इंग्लंडच्या डॅनी व्याटला यूपी वॉरियर्सने 30 लाख रुपयांच्या मूळ किमतीत खरेदी केले. पहिल्या सेटचे उर्वरित खेळाडू विकले गेले नाहीत. यापैकी वेदा कृष्णमूर्ती, पूनम राऊत आणि मोना मेस्राम अनसोल्ड राहिले. पहिल्या सेटमध्ये 9 खेळाडूंची नावे जाहीर करण्यात आली होती, मात्र केवळ 2 खेळाडूंना खरेदी करण्यात आले.
दुसरीकडे, एका संघात किमान 15 आणि कमाल 18 खेळाडू असू शकतात. डब्ल्यूपीएल लिलावामधील संघांची पर्स मर्यादा देखील केवळ 15 कोटी रुपये आहे, म्हणजे संघ खेळाडू खरेदी करण्यासाठी 15 कोटी रुपयांपेक्षा जास्त खर्च करु शकत नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.