Lionel Messi  Dainik Gomantak
क्रीडा

Messi Detained by Chinese Police: मेस्सी विमानतळावर पोहोचताच चिनी पोलिसांनी अडवले, कारणही आले समोर

अर्जेंटिनाचा कर्णधार लिओनल मेस्सी बिजिंगमध्ये मैत्रीपूर्ण सामना खेळण्यासाठी पोहोचला असताना विमानतळावर त्याला चिनी पोलिसांनी अडवले होते.

Pranali Kodre

Lionel Messi detained by Chinese police at Beijing airport: अर्जेंटिना फुटबॉल संघ गुरुवारी (15 जून) ऑस्ट्रेलिया विरुद्ध चीनमध्ये मैत्रीपूर्ण सामना खेळणार आहे. पण त्यापूर्वीच एक गोंधळ झाल्याचे समोर आले आहे.

अर्जेंटिनाचा कर्णधार लिओनल मेस्सीला बिजिंगमधील विमान तळावर आडवण्यात आले होते. यामागील कारण आता समोर आले आहे.

अर्जेंटिना आणि ऑस्ट्रेलिया संघात बिजिंगमधील वर्कर्स स्टेडियमवर गुरुवारी सामना होणार आहे. या सामन्यात मेस्सी विश्वविजेत्या अर्जेंटिनाचे नेतृत्व करणार आहे.

याच सामन्यासाठी अर्जेंटिनाचा संघ बिजिंगला पोहचला आहे. दरम्यान, विमानतळावर पासपोर्ट संदर्भात गोंधळ झाल्याने मेस्सीला चीनच्या पोलिसांनी अडवले होते.

अनेक रिपोर्टनुसार मेस्सीने व्हिसासाठी अर्ज केला नव्हता. मेस्सीकडे अर्जेंटिना आणि स्पॅनिश असे दोन पासपोर्ट आहेत. त्याने चीनला जाताना स्पॅनिश पासपोर्ट आणला होता. पण चीनमध्ये स्पॅनिश पासपोर्टला व्हिसाशिवाय प्रवेश दिला जात नाही.

पण तैवानमध्ये व्हिसाशिवाय प्रवेश केला जाऊ शकतो. मेस्सीला वाटले की तैवान चीनचाच भाग आहे, त्यामुळे त्याने व्हिसासाठी अर्ज केला नाही.

तसेच असेही समजले आहे की आधी मेस्सी आणि विमानतळावरील चिनी रक्षकांमध्ये भाषेची समस्या उद्भवली होती. पण ती लवकरच सोडवण्यात आली. त्याला काहीवेळानंतर जलद व्हिसा मिळाला. त्यामुळे आता तो ऑस्ट्रेलियाविरुद्ध खेळू शकतो.

दरम्यान, मेस्सीसाठी बिजिंग खास ठिकाण आहे, कारण याच ठिकाणी त्याने अर्जेंटिनासाठी 2008 मध्ये ऑलिम्पिक सुवर्णपदक जिंकले होते.

मेस्सी आता खेळणार इंटर मियामीकडून

लिओनल मेस्सी गेली दोन वर्षे पॅरिस सेंट-जर्मेन (PSG) संघाकडून खेळत होता. पण आता या क्लबचा आणि मेस्सीचा मार्ग वेगळा झाला आहे. त्यामुळे तो आता इंटर मियामी या अमेरिकेतील क्लबकडून खेळणार आहे.

अनेक रिपोर्टनुसार मेस्सीने सौदी अरेबियातील अल हिलाल क्लबने दिलेली महागड्या कराराची ऑफर नाकारली आहे. त्यानंतर त्याने आता अमेरिकेत फुटबॉल खेळण्याचा निर्णय घेतला आहे.

त्यामुळे आता मेस्सी पहिल्यांदाच युरोपबाहेरील क्लबकडून फुटबॉल खेळताना दिसेल. त्याने यापूर्वी बार्सिलोना आणि पीएसजी या युरोपमधील क्लबकडून फुटबॉल खेळले आहे.

पीएसजीकडून गेल्या दोन हंगामात खेळताना मेस्सीने 75 सामन्यांमध्ये 32 गोल केले. तसेच 35 असिस्ट केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT