The Final Of The FIFA World Cup 2026 Will Be Played In New Jersey New York, 16 cities Of Canada, Mexico and USA Will Host The Matches:

2026 मध्ये, FIFA विश्वचषक फायनल अमेरिकेच्या न्यू जर्सी राज्यातील न्यूयॉर्क येथील मेटलाइफ स्टेडियमवर होणार आहे. फिफाच्या आयोजकांनी नुकतीच याची घोषणा केली.

वेळापत्रकानुसार ही स्पर्धा 11 जूनपासून मेक्सिको सिटीतील प्रतिष्ठित अझ्टेक स्टेडियमवर सुरू होईल. फिफाचे अध्यक्ष जियानी इन्फँटिनो म्हणाले की, "आतापर्यंतचा सर्वात समावेशक आणि प्रभावी फिफा विश्वचषक आता स्वप्न राहिलेला नाही तर वास्तव आहे कारण तो कॅनडा, मेक्सिको आणि युनायटेड स्टेट्समधील 16 अत्याधुनिक स्टेडियममध्ये होणार असून, संपूर्ण स्पर्धेत 104 सामने रंगणार आहेत."

फिफा अध्यक्षांनी सांगितले की, अटलांटा आणि डॅलस येथे उपांत्य फेरीचे आयोजन केले जाणार असून, तिसऱ्या स्थानासाठीचा सामना मियामीमध्ये खेळले जाईल.

उपांत्यपूर्व फेरीचे सामने लॉस एंजेलिस, कॅन्सस सिटी, मियामी आणि बोस्टन येथे खेळले जातील. तीन देशांमधील एकूण 16 शहरे या स्पर्धेचे आयोजन करतील, त्यातील बहुतांश सामने युनायटेड स्टेट्समध्ये होतील.

1994 चा विश्वचषक देखील युनायटेड स्टेट्समध्ये पार पडला होता आणि अंतिम सामना लॉस एंजेलिस जवळ पासाडेना येथील रोझ बाउल येथे आयोजित करण्यात आला होता.

दरम्यान उत्तर अमेरिकेतील थेट दूरचित्रवाणीवर 2026 च्या फिफा विश्वचषकाच्या आयोजनाबाबतची घोषणा करण्यात आली. यावेळी इन्फँटिनो तसेच अभिनेता केविन हार्ट, रॅपर ड्रेक आणि सेलिब्रिटी किम कार्दशियन उपस्थित होते.

या स्पर्धेत ४८ संघ सहभागी होणार असून एकूण १०४ सामने होणार आहेत. 16 शहरे या स्पर्धेचे आयोजन करणार आहेत.

या शहरांमध्ये रंगणार सामने

अटलांटा, बोस्टन, डॅलस, ग्वाडालजारा, ह्यूस्टन, कॅन्सस सिटी, लॉस एंजेलिस, मेक्सिको सिटी, मियामी, मॉन्टेरी, न्यूयॉर्क-न्यू जर्सी, फिलाडेल्फिया, सॅन फ्रान्सिस्को बे एरिया, सिएटल, टोरंटो आणि व्हँकुव्हर.