Team India Holi Celebration: देशभरात होळीचा सण मोठ्या उत्साहात साजरा केला जात आहे. जग जर रंगांनी भरलेले असेल, तर क्रिकेटपटू रंगापासून कसे दूर राहतील?

अहमदाबादच्या नरेंद्र मोदी स्टेडियमवर खेळल्या जाणाऱ्या चौथ्या कसोटी सामन्यापूर्वी टीम इंडियाच्या खेळाडूंनीही थाटामाटात होळी साजरी केली. विराट कोहलीपासून रोहित शर्मापर्यंत सगळे मस्तीच्या मूडमध्ये दिसत आहेत.

दरम्यान, शुभमन गिलने टीम इंडियाच्या (Team India) बसचा एक व्हिडिओ शेअर केला आहे, ज्यामध्ये विराट कोहलीपासून रोहित शर्मापर्यंत सर्वजण रंगात रंगलेले दिसत आहेत.

दुसरीकडे, टीम इंडियाचा कर्णधार रोहित शर्मानेही (Rohit Sharma) सर्व चाहत्यांना होळीच्या शुभेच्छा दिल्या आहेत. रोहित शर्माने लिहिले की, 'हा रंग, आनंद, भोजन, मित्र आणि कुटुंबियांसोबत मजा करण्याचा दिवस आहे. आशा आहे की तुम्ही सर्व मनापासून आनंद घ्याल. होळी उत्साहाने साजरी करा.'

तसेच, बॉर्डर-गावस्कर ट्रॉफीचा शेवटचा कसोटी सामना अहमदाबादच्या नरेंद्र मोदी स्टेडियमवर 9 मार्चपासून खेळवला जाणार आहे. या मालिकेत टीम इंडिया सध्या 2-1 ने पुढे आहे. मालिकेतील शेवटचा सामना जिंकून जागतिक कसोटी अजिंक्यपद स्पर्धेच्या अंतिम फेरीत आपले स्थान निश्चित करण्यावर संघाचे लक्ष असेल.