2022 टी-20 विश्वचषक 16 ऑक्टबरपासून सुरू होत आहे. टीम इंडिया 14 खेळाडूंसह ऑस्ट्रेलियाला पोहोचली आहे. पण क्रिकेटच्या या महाकुंभापूर्वी भारतीय संघाला दोन मोठे धक्के बसले. पहिला स्टार अष्टपैलू रवींद्र जडेजा जखमी झाला आणि नंतर वेगवान गोलंदाज जसप्रीत बुमराह. दरम्यान, टीमचा सीनियर लेगस्पिनर युजवेंद्र चहलने मोठं वक्तव्य केलं आहे.

युझवेंद्र चहल (Yuzvendra Chahal) म्हणाला, रवींद्र जडेजा हा जागतिक दर्जाचा खेळाडू आहे. तो एक उत्तम गोलंदाज असण्यासोबतच एक उत्तम फलंदाजही आहे. त्यांची जागा घेणे अवघड आहे. पण अक्षर पटेल त्यांची पोकळी भरून काढू शकतो. अक्षर पटेल 2022 च्या T20 विश्वचषकात टीम इंडियाचा (Team India) एक भाग आहे. त्याने ऑस्ट्रेलिया आणि दक्षिण आफ्रिकेविरुद्धच्या T20 मालिकेत चमकदार कामगिरी केली होती.

एका हिंदी वृत्तपत्राशी बोलताना चहल म्हणाला, "रवींद्र जडेजा हा जागतिक दर्जाचा गोलंदाज आहे आणि आता तो चांगली फलंदाजीही करत होता. या खेळात खेळाडूंना दुखापत होतच असते, पण अक्षर पटेल ज्या पद्धतीने गोलंदाजी करतो. त्याला पर्याय मिळाला आहे. जडेजाची जागा कोणीही घेऊ शकत नाही, परंतु अक्षरने दाखवून दिले आहे की तो त्याची पोकळी भरून काढू शकतो.

टीम इंडियातील खेळाडु-

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (डब्ल्यूके), दिनेश कार्तिक (डब्ल्यूके), हार्दिक पंड्या, रविचंद्रन अश्विन, युझवेंद्र चहल , अक्षर पटेल, भुवनेश्वर कुमार, हर्षल पटेल आणि अर्शदीप सिंग.

स्टँडबाय खेळाडू-

मोहम्मद शमी, श्रेयस अय्यर, रवी बिश्नोई आणि दीपक चहर.