National Games 2023 Goa: केरळचा ऑलिंपियन जलतरणपटू साजन प्रकाश याने बुधवारी ३७व्या राष्ट्रीय क्रीडा स्पर्धेत कांपाल जलतरण तलावात विक्रमी धडाका राखला. त्याने पुरुषांच्या २०० मीटर बटरफ्लाय शर्यतीत नवा स्पर्धा विक्रम प्रस्थापित केला.

२०१५ आणि २०२२ मधील राष्ट्रीय क्रीडा स्पर्धेत मिळून एकूण १७ पदके जिंकलेल्या तीस वर्षीय साजनने आपलाच विक्रम मोडला. त्याने सुवर्णपदक जिंकताना १ मिनिट ५९.३८ सेकंद वेळ नोंदविली. त्याने गतवर्षी नोंदविलेला आपलाच १ मिनिट ५९.५६ सेकंदाचा विक्रम मोडीत काढला.

४ बाय २०० मीटर फ्रीस्टाईल शर्यतीत 01कर्नाटकच्या संघाने दोन्ही गटात स्पर्धा विक्रमासह सुवर्णपदक जिंकले.

अनीश गौडा, शिवांक विश्वनाथ, शोआन गांगुली, श्रीहरी नटराज यांच्या संघाने ७ मिनिटे ३७.४७ सेकंद वेळ नोंदविली, तर हशिका रामचंद्र, श्रीचरणी तुमू, शिरीन व धिनिदी देसिंघू यांच्या संघाने ८ मिनिटे ४९.७४ सेकंद वेळ नोंदविली.