Deccan Gladiators vs New York Strikers: भारताचा माजी स्टार क्रिकेटर सुरेश रैनाने 2020 मध्ये क्रिकेटमधून निवृत्ती घेतली. यानंतर त्याने देशांतर्गत क्रिकेट आणि आयपीएललाही अलविदा केला. आता तो अबुधाबी T10 लीगमध्ये खेळत आहे. डेक्कन ग्लॅडिएटर्स संघ या लीगमध्ये सामील झाला आहे. लीगमधील नववा सामना डेक्कन ग्लॅडिएटर्स आणि न्यूयॉर्क स्ट्रायकर्स यांच्यात झाला. या सामन्यात त्याने शानदार फलंदाजी केली. त्याबद्दल जाणून घेऊया...
या फलंदाजाने मोठी खेळी केली
सुरेश रैनाने (Suresh Raina) डेक्कन ग्लॅडिएटर्सच्या वतीने आक्रमक फलंदाजी केली, कारण T10 फक्त 10 षटकांचा आहे. इथे फलंदाजाला धमाकेदार फलंदाजी करावी लागते. सुरेश रैनाची धावांची भूक अजून संपलेली नाही. डेक्कन ग्लॅडिएटर्ससाठी सुरेश रैनाने 19 चेंडूत 28 धावा केल्या, ज्यात 2 चौकार आणि 1 षटकार आहे. रैनामुळेच संघाला सन्मानजनक धावसंख्या गाठता आली.
पदार्पणात विशेष कामगिरी करु शकला नाही
सुरेश रैना अबू धाबी टी10 लीगमधील पदार्पणाच्या सामन्यात आपला अप्रतिम खेळ दाखवू शकला नाही. त्याच्या पहिल्याच सामन्यात तो शून्यावर बाद झाला होता, त्याला ऑस्ट्रेलियाचा (Australia) अनुभवी गोलंदाज अँड्र्यू टायने आपला बळी बनवले होते. सुरेश रैना 35 वर्षांचा आहे, तो क्षेत्ररक्षणात उत्तम मास्टर आहे.
भारतासाठी तिन्ही फॉरमॅट खेळला
सुरेश रैना भारताकडून तिन्ही फॉरमॅटमध्ये क्रिकेट खेळला आहे. त्याने टीम इंडियासाठी (Team India) 18 कसोटी सामन्यांमध्ये 768 धावा, 226 एकदिवसीय सामन्यांमध्ये 5614 धावा आणि 78 टी-20 सामन्यांमध्ये 1605 धावा केल्या आहेत. त्याने 205 आयपीएल सामन्यांमध्ये क्रिकेटही खेळले आहे. त्याला मिस्टर आयपीएल या नावाने संबोधले जाते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.