Suresh Raina : इंडियन प्रीमियर लीगच्या नव्या हंगामात कॉमेंट्री क्षेत्रात पदार्पण करणाऱ्या सुरेश रैनाने बुधवारी आपल्या मुलाचा रिओचा वाढदिवस साजरा केला. 'मिस्टर आयपीएल' म्हणून प्रसिद्ध असलेला सुरेश रैना यावेळी कोणत्याही संघाचा भाग नसल्यामुळे तो आयपीएलमध्ये (IPL) हिंदी कॉमेंट्री करताना दिसणार आहे. (Suresh Raina celebrates son Rio's birthday in Maldives)

सुरेश रैना (Suresh Raina) सध्या मालदीवमध्ये असून तो आपल्या मुलाचा रिओचा वाढदिवस साजरा करत आहे. सुरेश रैना आणि त्याची पत्नी प्रियांकाने बुधवारी वाढदिवसाच्या सेलिब्रेशनचे अनेक फोटो पोस्ट केले आहेत. आपल्या मुलासोबतचा एक फोटो शेअर करत सुरेश रैनाने लिहिले की, 'हॅपी बर्थडे रिओ. तू दोन वर्षांचा आहेस यावर अजूनही विश्वास बसत नाही. आम्ही स्वत:ला खूप भाग्यवान समजतो.' सुरेश रैना व्यतिरिक्त, त्याची पत्नी प्रियांका चौधरी रैनाने देखील वाढदिवसाच्या सेलिब्रेशनचे फोटो शेअर केले आहेत, ज्यामध्ये त्यांची मुलगी ग्रेशिया देखील एकत्र आहे.

या आयपीएल मेगा लिलावात सुरेश रैनाला कोणत्याही संघाने विकत घेतले नाही. रैनाची मूळ किंमत 2 कोटी रुपये होती. चेन्नई सुपर किंग्जपासून वेगळे झाल्यानंतर सुरेश रैनाने लिलावात जाण्याचा निर्णय घेतला होता, मात्रतसे झाले नाही. सुरेश रैना हा आयपीएलचा दिग्गज खेळाडू मानला जातो, म्हणूनच त्याला मिस्टर आयपीएल म्हटले जाते. सुरेश रैनाच्या 205 आयपीएल सामन्यात 5528 धावा आहेत. रैनानेही एक शतक, 39 अर्धशतके झळकावली आहेत.