टीम इंडिया (Team India) जेव्हा मोहालीत श्रीलंकेविरुद्ध पहिली कसोटी खेळण्यासाठी जेव्हा मैदानात उतरेल तेव्हा विराट कोहलीसाठी तो क्षण खूप खास असणार आहे. खरंतर मोहालीत विराट कोहलीचे स्वप्न साकार होणार आहे. विराट कारकिर्दीतील 100 वा कसोटी सामना खेळण्यासाठी मैदानात उतरणार आहे. 100 वा कसोटी सामना खेळण्याचे प्रत्येक खेळाडूचे स्वप्न असते. यातच आता विराट कोहलीचे (Virat Kohli) हे स्वप्न आता पूर्ण होत आहे. कोहलीच्या 100 व्या कसोटीपूर्वी, 50 टक्के प्रेक्षकांमध्ये तो मोहालीत खेळायला येणार असल्याचीही आनंदाची बातमी आली आहे. पहिल्या मोहाली कसोटीत प्रेक्षकांवर बंदी घालण्यात आली होती. परंतु बीसीसीआयचे (BCCI) प्रमुख सौरव गांगुली यांनी त्यात बदल केला आहे. तसेच विराट कोहलीच्या 100 व्या कसोटीपूर्वी सौरव गांगुलीनेही एक मोठी गोष्ट सांगितली आहे. (Sourav Ganguly Said The 100thTest Is An Unforgettable Moment For Virat Kohli)

दरम्यान, गांगुली (Sourav Ganguly) म्हणाला, 'विराट कोहलीसाठी 100 वी कसोटी हा खरोखरच कधीही न विसरता येणारा क्षण असेल. यासोबतच या दिग्गज खेळाडूचा शतकांचा दुष्काळही लवकरच संपेल.'

सौरव गांगुली माध्यमाशी टाईम्सशी बोलताना म्हणाला, ''विराट पुनरागमन करुन शतक झळकावेल. मला माहीत आहे की, गेल्या दोन वर्षांपासून तो शतक झळकावलेले नाही. परंतु तो एक महान खेळाडू आहे. विशेष म्हणजे तो लवकरच शतक करण्याची कसरही भरुन काढेल. त्याला शतक कसं करायचं हे माहीत आहे, अन्यथा तो 70 शतकंही करु शकला नसता. मला माहित आहे की, तो लवकरच मोठी धावसंख्या उभारणार आहे.''

विराट कोहली 100 वी कसोटी खास बनवणार?

गेल्या दोन वर्षांपासून सुरु असलेला शतकांचा दुष्काळ तो शंभराव्या कसोटीत पूर्ण करेल, अशी आशा विराट कोहलीच्या चाहत्यांकडून व्यक्त करण्यात येत आहे. आत्तापर्यंत कोणत्याही भारतीय क्रिकेटपटूने आपल्या 100 व्या कसोटीत शतक झळकावलेले नाही. रिकी पाँटिंगने ऑस्ट्रेलियासाठी, इंझमाम आणि जावेद मियांदादने पाकिस्तानसाठी ही कामगिरी केली आहे. नुकतेच जो रुटने आपल्या 100 व्या कसोटीत शतक झळकावले आहे.