महिला वर्ल्ड कपच्या (Women World Cup 2022) 10 व्या सामन्यात भारतीय संघाने बलाढ्य अशा वेस्ट इंडिजचा (India vs West Indies) 155 धावांनी पराभव केला. या सामन्यात भारतीय संघाची स्टार फलंदाज स्मृती मंधानाने (Smriti Mandhana) 123 धावांची तूफानी फलंदाजी करत शतकी खेळी उभारली. स्मृतीने 118 बॉलमध्ये 13 चौकार आणि 2 षटकार मारले, यामध्ये तिचा स्ट्राईक रेट 104.24 चा होता. या शानदार खेळीनंतर स्मृती सोशल मिडियावर (Social Media) तूफान ट्रेण्ड व्हायला लागली आहे. (Smriti Manadhana is dating Palash Muchhhal)

दरम्यान, प्रसारमाध्यमांमध्ये आलेल्या वृत्तानुसार, स्मृती लोकप्रिय गायक पलक मुच्छलचा बंधू पलाश मुच्छलला (Palash Muchhhal) डेट करत असल्याचं सांगितलं जात आहे. मागील काही दिवसांपूर्वी पलाशने त्याच्या सोशल मिडियावरील इन्स्टाग्राम आकाऊंटवर एक व्हिडिओ शेअर केला होता. ज्यामध्ये त्याच्या हातावर SM18 असं गोंदवलेला टॅटू होता. विशेष म्हणजे स्मृती मंधाना 18 नंबरची जर्सी परिधान करते. दुसरीकडे अनेकवेळा स्मृती मंधानाला पलाश मुच्छलसोबत पाहिलं गेलं आहे.

स्मृतीचा हा अभिनेता क्रश

स्मृतीने एका युट्यूब चॅनलशी बोलताना कार्तिक आर्यन (Kartik Aaryan) आपला क्रश असल्याचं जाहीररित्या सांगितलं होतं. 'सोनू के टीटू की स्वीटी' हा चित्रपट आपल्याला प्रचंड आवडल्याचं मंधाना म्हमाली होती. विशेष म्हणजे स्मृतीने हा चित्रपट दोन वेळा पाहिला होता. यानंतर कार्तिक आपला क्रश असल्याचं सांगितलं होतं.