Shoaib Akhtar On Pakistan: झिम्बाब्वेविरुद्धच्या निकराच्या सामन्यात पाकिस्तान संघाला लाजीरवाण्या पराभवाला सामोरे जावे लागले. यानंतर पाकिस्तान संघावर सर्वत्र टीका होत आहे. पहिल्या सामन्यात पाकिस्तानचा भारताकडून 4 विकेट्सने पराभव झाला होता. आता पराभवानंतर पाकिस्तानचा माजी वेगवान गोलंदाज शोएब अख्तरने भारतासोबतच पाकिस्तानही टी-20 विश्वचषकातून बाहेर पडेल, असे भाकित केले आहे.

असे शोएब अख्तर यांनी सांगितले

पाकिस्तानच्या (Pakistan) पराभवावर बोलताना शोएब अख्तर म्हणाला की, 'संघाने कोणतेही नियोजन केले नाही. सलामीवीर आणि मिडिल ऑर्डर प्लॉप ठरली आहे. या सुमार संघाने अत्यंत खराब कामगिरी केली.' त्याचबरोबर त्याने पाकिस्तानच्या पराभवात टीम इंडियालाही (Team India) गुंडाळले. तो पुढे म्हणाला की, 'मी यापूर्वीही सांगितले होते की, पाकिस्तान या आठवड्यात परत येईल आणि भारत पुढच्या आठवड्यात परत येईल. तोही तिसमार खान नाही.'

पीसीबीवर आरोप

शोएब अख्तर (Shoaib Akhtar) पुढे म्हणाला की, 'पाकिस्तानकडे खूप वाईट कर्णधार आहे. निवड समितीने सुमार संघाची निवड केली. आसिफ अलीला आठव्या क्रमांकावर उतरवले जात आहे. हैदर अलीच्या भूमिकेबाबत कोणतीही योजना नाही. यंदाच्या टी-20 विश्वषचकात (T-20 World Cup) पाकिस्तानची कामगिरी सुमारच राहीली.'

उपांत्य फेरी गाठणे कठीण

2022 च्या T20 विश्वचषक स्पर्धेत पाकिस्तान सलग दोन सामने हरला आहे. संघाने पहिला सामना भारताकडून 4 विकेटने तर झिम्बाब्वेकडून 1 धावाने गमावला. भारताला उपांत्य फेरी गाठण्यासाठी दक्षिण आफ्रिका, नेदरलँड आणि बांगलादेशविरुद्ध सामने खेळायचे आहेत. भारतालाही हे तिन्ही सामने मोठ्या फरकाने जिंकावे लागतील. पाकिस्तानने 2009 मध्ये एकमेव टी-20 विश्वचषक जिंकला होता.