इंग्लंड (England) विरुध्द भारतीय महिला क्रिकेट (Indian women's cricket) संघाच्या एक दिवसीय मालिकेला आजपासून सुरुवात झाली आहे. कसोटी सामन्यात आपल्या खेळाने ठसा अमटविणारी शफाली वर्माने (Shafali Verma) एकदिवसीय सामन्यामध्ये भारतीय महिला संघात पदार्पण केले आहे. इतक्या कमी वयात संघात पदार्पण करणारी शफाली पहिली क्रिकेटपटू ठरली आहे.

हरियाणाच्या या मुलीने १७ वर्षीय १५० दिवसांत क्रिकेटच्या सर्वप्रकारात स्थान मिळवले आहे. या आधी अफगाणिस्तानचा मुजीब उर रहमानने १७ वर्षे ७८ दिवसांनी सर्व प्रकारात पदार्पण केले होते. त्यानंतर इंग्लंडची सारा टेलरने १७ वर्षे ८६ दिवस, ऑस्ट्रेलियाची एलिस पेरी १७ वर्षे १०४ दिवस तर पाकिस्तानचा मोहम्मद अमीरने १७ वर्षे १०८ दिवसांत पदार्पण केले होते. त्या यादीत आता शफालीचेही नाव जोडले गेले आहे. शफालीने इंग्लंड विरुध्द झालेल्या कसोटी सामन्यात ६३ चेंडूत धुवाधार ९६ धावा केल्या. पदार्पणातच महिला कसोटी सामन्यात अर्धशतक झळकविणारी सर्वात तरुण फलंदाज ठरली आहे.

पदार्पणाच्या सामन्यात शफालीने १४ चेंडूत १५ धावा केल्या, कॅथरीन ब्रंटने शफालीला बाद केले. इंग्लंड सोबत आजापासून सुरु झालेल्या महिलांच्या एकदिवसीय सामन्यात इंग्लंडने नाणेफेक जिंकत भारतीय महिला संघाला प्रथम फलंदाजीस आमंत्रित केले. भारतीय महिला संघाने आतापर्यंत २४ षटकांत २ गड्यांच्या मोबदल्यात ७९ धावा केल्या आहेत. यात पूनम राऊत ३० धावांवर तर मिताली राज २० धावांवर खेळत आहेत.