Goa Pro-League Football : साळगावकर एफसीने दोन गोलच्या पिछाडीवरून उत्तरार्धात मुसंडी मारत गोवा प्रोफेशनल लीग फुटबॉल स्पर्धेत स्पोर्टिंग क्लब द गोवा संघावर 3-2 अशी निसटती मात केली.

सामना शनिवारी नागोवा येथील मैदानावर झाला. धुळेर-म्हापसा येथे धेंपो स्पोर्टस क्लबने चर्चिल ब्रदर्सला 1-1 असे गोलबरोबरीत रोखले.

साळगावकर एफसीने 25व्या मिनिटास मार्क कार्व्हालो याच्या गोलमुळे आघाडी घेतली होती, मात्र पूर्वार्धाच्या इंज्युरी टाईममध्ये स्पोर्टिंगने दोन गोल करून 2-1 अशी आघाडी प्राप्त केली. चंदन गावस याने 45+1व्या मिनिटास, तर रिची वाझ याने 45+3व्या मिनिटास गोल नोंदविला.

नंतर 78व्या मिनिटास सॅम्युएल कॉस्ता याने, तर 90+3व्या मिनिटास अंतुश मोनिझ याने केलेल्या गोलमुळे साळगावकर एफसीने विजयाची तीन गुण खाती जमा केले. सॅम्युएल सामन्याचा मानकरी ठरला.

अन्य सामन्यात माल्सॉमडॉँगकिमा याने 45+2व्या मिनिटास केलेल्या गोलमुळे चर्चिल ब्रदर्सला विश्रांतीला एका गोलने पुढे होता. 65व्या मिनिटास बेनेस्टन बार्रेटो याने धेंपो क्लबला बरोबरी साधून दिली. त्यांचा ब्रायन फारिया सामन्याचा मानकरी ठरला.