Shruti Prabhugaonkar: गोमंतकीयांना कोट्यवधी रुपयांना गंडवणाऱ्या श्रुतीला अवघ्या १० दिवसात जामीन

Goa Cash For Job Scam Accused Shruti Prabhugaonkar Bail Granted

फोंडा: सरकारी नोकरीचे आमिष दाखवून गोमंतकीयांना गंडा घालणाऱ्या श्रुती प्रभुगावकरला फोंडा जिल्हा सत्र न्यायालयाने जामीन मंजूर केला. पोलिसांनी शुक्रवारी (22 नोव्हेंबर) कस्टडी मागण्यासाठी श्रुतीला न्यायालयात हजर केले होते. श्रुतीच्या विरोधात विविध पोलिस ठाण्यात गुन्हे दाखल आहेत.

दरम्यान, राज्यात गेल्या महिन्याभरापासून कॅश फॉर जॉब (Cash For Job Scam) प्रकरण गाजत आहे. या प्रकरणात श्रुती प्रभुगावकर मुख्य सूत्रधार असून तिला सुरुवातीला पोलिस कोठडी आणि नंतर न्यायालयीन कोठडी सुनावण्यात आली होती. मात्र शुक्रवारी फोंडा जिल्हा सत्र न्यायालयाने तिला जामीन मंजूर केला.

सरकारी नोकरी देण्याच्या बहाण्याने सुमारे दीड कोटी रुपयांची फसवणूक करणाऱ्या संशयित श्रुती प्रभुगावकरला फोंडा (Ponda) पोलिसांनी अटक केली होती. श्रुतीला अटक करण्यापूर्वी पोलिसांनी तिच्या नावे लुकआउट नोटीस देखील जारी केली होती.

श्रुतीचे राजकीय कनेक्शन

कॅश फॉर जॉब प्रकरणात अटक झालेल्या श्रुती प्रभुगावकर (Shruti Prabhugaokar) हिचे भारतीय जनता पक्षासोबत कनेक्शन आढळून आले होते. श्रुती प्रभुगावकर ही गोव्यातील भाजपच्या (BJP) युवा मोर्चाची माजी पदाधिकारी असून तिचे एका बेड्या मंत्र्याच्या 'पीए'सोबत कनेक्शन असल्याची देखील माहिती मिळाली होती.