फातोर्डा: मडगाव व फातोर्डा परिसरात दोन मॉडिफाईड बुलेट दुचाकी वाहतूक पोलिसांनी जप्त केल्या असून या दोन्ही दुचाकी कर्णकर्कश आवाजात हाकल्या जात होत्या व त्यामुळे संबंधित मालकांवर कायदेशीर कारवाई करण्यात आली असल्याची माहिती मडगाव ट्रॅफिक पोलिस निरीक्षक संजय दळवी यांनी दिली.
यातील एक प्रकरण फातोर्डा परिसरातील कदंब बस स्थानकाजवळ घडले होते व दुसरे प्रकरण मडगाव परिसरात घडले. सध्या अपघातांवर नियंत्रण आणण्यासाठी मडगाव वाहतूक पोलिसांनी विशेष मोहीम हाती घेतली आहे.
वाहतूक नियमांची कडक अंमलबजावणी करण्याबरोबरच दिवसा व रात्री मोक्याच्या ठिकाणी वाहतूक कर्मचारी तैनात करण्यात आले आहेत, असे दळवी यांनी सांगितले. या बरोबरच वाहतूक परवाना व इतर परवान्यांची कडक तपासणी करण्यात येत असल्याची माहिती त्यांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
