भारतीय स्वातंत्र्याला येत्या 15 ऑगस्टला 75 वर्षे पूर्ण होत आहेत. यानिमित्त देशात स्वातंत्र्याचा अमृत महोत्सव साजरा केला जात आहे. याचाच भाग म्हणून हर घर तिरंगा आणि अनेक ठिकाणी विविध कार्यक्रम आयोजित केले जात आहेत. क्रिकेटचा देव मास्टर ब्लास्टर सचिन तेंडुलकर (Sachin Tendulkar) यांनी देखील आज आपल्या घरी राष्ट्रिय ध्वज (तिरंगा) फडकवला. यावेळी सचिन यांनी एक व्हिडिओ शेअर केला आहे. या व्हिडिओ शेअर करत सचिन यांनी 'दिल में भी तिरंगा, घर में भी तिरंगा' असे म्हणत घरात तिरंगा फडकवला. (Sachin Tendulkar hoisted indian flag at his house)

'हमेशा रहा मेरे दिल में तिरंगा, आज लहराएगा मेरे घर पे भी तिरंगा,' असे म्हणत सचिन तेंडुलकर यांनी आपल्या घरी तिरंगा फडकवला. 'दिल में तिरंगा, घर में तिरंगा, जय हिंद' असे सचिन आपल्या व्हिडिओ म्हणताना दिसत आहेत.

दरम्यान, देशात हर घर तिरंगा ही मोहिम मोठ्या प्रमाणावर राबविली जात आहे. देशातील कानाकोपऱ्यातील नागरिक, नेते, अभिनेते, खेळाडू, मंत्री, सरकारे मोठ्या उत्साहात या मोहिमेत आपला सहभाग नोंदवत आहेत. प्रत्येक भारतीय नागरिक स्वातंत्र्याचा अमृत महोत्सव साजरा करताना दिसत आहे.